Abakuku 2:6 - LAWA A BOO SONBORE 2011

⁶ Sɛnɛ, ǹ tɔrɔn mɛnɛn tumaa kũ, bɛn tá re yui ǹ gialaa ka suusun ni, ka boo baraan nɛ. Maǹ pii: Kaa wɔ n ka koe ne, kasɛn mɛnɛn bɛ́ gɔn mànan soekɔn, ǹ nə ǹ ba kaa wɔ lɛa wa. Kaa giɔ̀mɔ kɛ n goɛ̃ gole yǎa biĩ kəni?

LAWA A BOO SONBORE

⁶ Sɛnɛ, ǹ tɔrɔn mɛnɛn tumaa kũ, bɛn tá re yui ǹ gialaa ka suusun ni, ka boo baraan nɛ. Maǹ pii: Kaa wɔ n ka koe ne, kasɛn mɛnɛn bɛ́ gɔn mànan soekɔn, ǹ nə ǹ ba kaa wɔ lɛa wa. Kaa giɔ̀mɔ kɛ n goɛ̃ gole yǎa biĩ kəni?

Abakuku 2:6 ပူးပေါင်းရင်းမြစ်များ

Loen 94:3

Dɛnaa Lawa, min babaraan kɛn man die goɛ̃ nyɛnyɛɛ la yǎa biĩ? Ee, maǹ die goɛ̃ la yǎa biĩ kəni?

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Izayii 10:13

A giala, bɛa kii lɛ na á pɛ: «Ma sii mɛn tumaa zɛnaa, ma pàã laanka maa yiridɛnaabaa a lɛa nɛ. A giala, man sii-dɔ̃li lɛa. Má gána gigiã gèlè papaã, má ǹ naforon goa, má ǹ kiin loo má ǹ bɔ ǹ kii dankanan la.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Izayii 5:8

Kaa wɔ n ka bɔ̀n nɛ kasɛn mɛnɛn bɛ́ kion sii ka da ǹ miã li. Ka wuru si ka da ǹ miã li. Ka bǎã tumaa si ka n kɔ lɛ, yǎa ka dininsɔɔ̃nɔn nə goɛ̃ gána lɛ nɛ!

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Zeremii 29:22

Ǹ Zudaa min mɛn tumaa goa ǹ nə́ woo ne Baabilonii gána nɛ, ǹsɛn min paa tɔ á re sii a kɔnboe biɛ bɛ̀ ǹ tá lɛn baraa bíi. A giala maǹ die pii: «Dɛnaa Lawa die a n baa ka Sedekiasi bɛ́ lɔn hinlaa ka Akaabu bɛ́ lɔn Baabiloniin kii nə́ ǹ kaa tɛ-n!»

Zeremii 50:13

Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

Ezekieli 32:21

Sɛ̀mɔɔ kakan mɛnɛn nə wo gèren piɛ, ǹ mɛnɛn lɛn nə goã n doe lɛ, bɛn tá re pii ni: «Ǹ nə́ soroman lɛn dɔn dɛ zia la, ǹ nə́ ke ǹ nə́ wɔ ǹ nə́ daa waa tán yala-n.»

Misee 2:4

Bɛa pinaa kɛ lɛ nɛ, minin tá re suusu diɛ ka ganaa, ǹ tá re wuu pii ǹ gù wɔ ka la ǹ pɛ: «Wɔsɛn nə́ ziziɛ̃ lenlen, á ke, á ma tɔrɔn lɛn bǎã si ǹ la, á kɔ min kɔsɔn la. Kɛ mìi n ka wàa nɛ? Ǹ nə́ ke wɔa wurun gii piã-wɔlen manɛ!»

Abakuku 1:15

Baabilonii minin man minin kuĩ ka koɛ̀ɛ̃n nɛ ka zɔ̀ bɛ́ lɔn. Maǹ die ǹ nɛ zɔ̀ɔ nɛ, ka kokoo ne, a n foo kɔɔ̃n gole lɛa ǹ ganaa.

Abakuku 2:12

Kaa wɔ n ka koe ne! Ka ǹ kaa kiwin doe gɛ̀-dɛ gɔ́ɔ̃ nɛ, ka nə ǹ koɛ ka mɛnaa kɔn la nɛ.

Abakuku 2:13

Á ke, minbuiin nɛn dí tumaa n die n gɔn nyɔmiɛ tɛ-n. Minbuiin nɛn man nɔmaa kooro we. Bɛ tumaa bie boe Dɛnaa Lawa Pàãyiidɛnaa din li wa?

Minin nimi 23:18

Balaamu tɔ́n bɔ boon kɛn nɛ kɛnɛn á ǹ pɛ: Balaaki, yoo n nə n too kɔ! N too kɔ ma lon, Sipɔɔrɔ a nɛgiĩ!

Minin nimi 23:7

Balaamu tɔ́n bɔ boon kɛn nɛ kɛnɛn á ǹ pɛ: Balaaki na á minin dia die ma kuĩ Siirii gána nɛ, Moabun kii na á min dia die lɛ diɛ ma la, lɛ̀giala a kelen kɛn bǎã nɛ, á pɛ ma nɛ: Da lɛn baraa bii Zakɔba tɔrɔn kɛn li, maa lɛa. Da dɔlɔ da Izirayeli minin kɛn mìi ni.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.