Abakuku 2:19 - LAWA A BOO SONBORE 2011

¹⁹ Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

LAWA A BOO SONBORE

¹⁹ Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

Abakuku 2:19 ပူးပေါင်းရင်းမြစ်များ

Loen 135:15

Tɔrɔ kɔsɔn bɛ́ mànan mɛnɛn guguru koe, maǹ nə́ ǹ zɛnaa ka wɔrɔ nɛ, ka sana nɛ. Minbuiin nɛ gɔn na á ǹ zɛnaa.

Loen 135:17

toon tá ǹ lon, sɛnɛ, ǹ ba boo miɛ wa, fɔfoã kɔn ba soe ǹ ne wa.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Izayii 26:14

Bɛa mìinaan lɛn nə́ gã, ǹ ba re yui doo wa. Maǹ nyínin lɛa sisia, ǹ ba yui doo wa. N nə́ ǹ bɔ̀n baa, yiri a goɛ̃ ǹ nɛ doo wa.

Izayii 40:19

Gɔn dí-nyali na á màn nyín lɛ zɛnaa, sana-yoli sana kaa la, á wɔrɔ giin kaa a ganaa.

Izayii 41:26

Die na á bɛ pɛ wɔ nɛ a giala-kɔ li, mà wɔ dɔ̃? Die na á n gɔn waa wɔ-n lɛlɛ, mà wɔ pɛ mà sonbore ne? Ka bii min kɔn màn kɔn pɛ wa. Min kɔn nə n lɛ bũ wa. Min boo kɔn din ma ka lɛ-n wa.

Izayii 44:17

Gɔn lɛ a gialakun ke, a n dì zɛnɛɛ nɛ, màn nyin lɛa. A kaa tán a yɔrɔ-a a na a guguru kɔ, a ná a nyankoe kɛnɛn: «Ma n maa lawa lɛa, ma kirisibaa!»

Izayii 46:6

Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.

Izayii 57:6

N wɔ gii n ka mu zii kɔlɔ zɔzɔnɔn kɛn nɛ. Bɛ n doe n ganaa. Ma n duvɛ̃ zumii ǹ dinin lɛn ganaa wúlu màn lɛa, ka dì gɔ ǹ màn nɛ n nə́ wúlu màn koe ǹ la. Dɛnaa Lawa n nɔ̀n diɛ: «Ma á siĩn ma lɛ kɔ bɛ ganaa?»

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 10:3

Sonbore, tɔrɔ kɔsɔn landan kɛn man sii kooron lɛa. Maǹ gɔn kuri daã nɛ, gɔn-sɛlɛli dì nyín sɛlɛ la.

Zeremii 10:4

Maǹ a nyaǹ koe sana hinlaa wɔrɔ nɛ. Maǹ dere ka kiɛn nɛ, màn mɛn bɛ́ toɛ a golee lon.

Zeremii 10:9

Gɔn-sɛlɛli nə́ ǹ sɛlɛ, Zan-kaali nə́ ǹ nyaǹ kɔ ka Tarsisi wɔrɔ nɛ, hinlaa ka Ufaazi sana nɛ. Bɛ kio, ǹ tɔn mɔnaa wɔ ǹ ganaa, mɔnaa wùsu tã hinlaa a koreeboree lɛa. Bɛ tumaa n gɔn dí-nyalin màn zɛnaa lɛa.

Zeremii 2:27

Nyín mɛn bɛ́ gɔn lɛa, ka ǹ pii bɛ nɛ: «Maa díi ni n ni!» Nyín mɛn bɛ́ kɔlɔ lɛa, ka n pii bɛ nɛ: «N din ni n ma da kanaa!» Màn mɛn tá-a ka n yɔrɔ dia masɛ la, ka nə n dɔ̀ɔ̃ we ma nɛ. Sɛnɛ, bɛ̀ koe ka yɛ lɔn gɔrɔ, ka ǹ pii ma-n kɛnɛn: «Yoo, n wɔ kirisibaa!»

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Zeremii 51:17

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 51:47

Bɛ lɛ nɛ, á ke, lɛawaan tá re doe, ma á re yui Baabilonii a dì soreen kɛn gialaa. Sìi á re n koe gána lɛ tumaa lɛ. Min mɛnɛn nə gã, bɛn tá re goɛ̃ tán kiwi lɛ bii.

Danayeli sɛ́wɔ 3:1

Kii Nebukadenezɔɔrɔ màn nyín zɛnaa ka sana nɛ. A sasabaa n mɛtərə pɔsɔɔ, a pəməbaa n mɛtərə sɔɔ. Á bɛa màn nyín lɛ doa tán Duraa a diə fúlu kɛ nɛ, *Baabilonii gána nɛ.

Danayeli sɛ́wɔ 3:18

Kii, haalɛ ta wɔsɛn Lawa lɛ din nə bɛ zɛnaa wa, wɔsɛn ba re dí nyɛɛ n dìn kɛn man wa, n sana màn nyín mɛn doa tán, wɔsɛn ba re bɛ dɔ guguru koe wa. Toa n bɛ dɔ̃ taãn-taãnɛ.»

Danayeli sɛ́wɔ 3:29

Bɛ lɛ nɛ, masɛ á kɛ pii koɛ tán: «Tɔrɔn tumaa bii, gána woo gána nɛ, bɔlɔ woo bɔlɔ a pɛlen bii, bɛ̀ min mɛn boo baraa da Sadraki laanka Mesaki ka Abɛdi-Negoo a Lawa ganaa, ǹ die ǹ bɛa dɛnaa kakã, ǹ na a kion bɔyaa, ǹ baa kɛbɔlɔ lɛa. A giala, lawa kɔsɔ banban, a boo la a min bɔ sii-n kɛnɛn wa.»

Danayeli sɛ́wɔ 3:7

Bɛ nə n da lɔn, tɔrɔ tumaa a minin ni, gána tumaa wɔn nɛ, bɔlɔ woo bɔlɔ a pɛlen ne, min mɛn tumaa bɛn lɛ wuu ma, pìi lɛ nɛ, tùtun lɛn nɛ, kɔnkoɛ̃ɛn lɛ nɛ, ka bɛ̀ dɛ ǹ mànan tɔrɔ tumaa nɛ, ǹ tumaa kaa tán ǹ nə́ sana màn nyín lɛ guguru kɔ, kii Nebukadenezɔɔrɔ nə ǹ mɛn lɛ doa tán.

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Danayeli sɛ́wɔ 5:4

Ǹ bɛ́ ǹ nə́ duvɛ̃ mi ǹ nə́ kã, ǹ dìn mɛnɛn zɛnaa ka sana nɛ, ka wɔrɔ nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ nə́ loe lɔ, ǹ nə́ bɛn tɔ bɔ nɛ.

Zonaasi 1:5

Nyɛ́ɛ bòsonon lɛn kũ parsiini didie nə n lɛ dɛ a dì ganaa. Mànan mɛnɛn nə goã goo lɛ nɛ, ǹ nə́ bɛn waa ǹ nə́ ǹ zũ kɔ̀ mu lɛ li, màn mɛn bɛ́ toɛ goo lɛ puusə kɔ. Zonaasi sɛ gisĩ goo lɛ gɔ́ɔ̃-n tán á waa tán, á goã nyuù we taãn-taãnɛ.

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Sii-nyaan 17:4

Lɔ lɛ mɔnaa mɛn wɔ, a na á goã sisia, a paǹ tɛn nə́ tã birəə ne, a paǹ tɛn nə́ tã bonbon, sana laanka gɛ̀fu sonbore, ka gii n pɛnɛɛ nɛ a paǹ tumaa ganaa ka zuzəə ne. Sana kaaran na á goã a gunun, a piɛ̃maa-n ka a din kũ doɛ̃baã ǹ *gɔ̀ gìĩ-bɔle-a kɛ nɛ.