Abakuku 1:4 - LAWA A BOO SONBORE 2011

⁴ Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

LAWA A BOO SONBORE

⁴ Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Abakuku 1:4 ပူးပေါင်းရင်းမြစ်များ

Kiin1 21:13

Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

Zɔbu 21:7

Wàa na á baa min baraan yii n goɛ̃ koo? Wàa na á baa ǹ tá zizi din koe, màn nə́ tɔn miɛ ǹ pàã li?

Loen 11:3

Sii kɔn din bɛ́ a ba a giala la doo wa, min pepere n boe la a wàa zɛnaa?

Loen 119:126

Dɛnaa Lawa, biikoo dɔ, n din sii zɛnaa. Ǹ nə́ n landa lɛ ziziɛ̃.

Loen 22:12

N nyan nə n wɔlɔ lui ma ganaa wa. A giala, biikoo baraa diri. Á ke, dɔmalɛ wole dɔ ba ma lon wa.

Loen 22:16

Ma bɔlɔ yala laa ka kɔlɔ nɛ, ma lɛwɔn dama ma lɛ gɔ́ɔ̃ nɛ. N ma koa gɛ̀ li foɛɛ̃nɛ.

Loen 59:2

Maa Lawa, ma si maa zɔ́ɔn la, ma tamaa maa yoo ma gialaa wolen kɛn-a.

Loen 59:4

Ǹ nə́ ke, ǹ nə́ n duru ǹ nə́ gɔn diɛ ma ganaa. Bɛa min babaraan kɛn lɛn man giɛ ma li, ǹ nə́ baraa zɛnɛɛ ma nɛ. A da yaa, ma sã ǹ sii kɔn la wa, ma sii baraa kɔn zɛnaa wa, Dɛnaa Lawa.

Loen 94:3

Dɛnaa Lawa, min babaraan kɛn man die goɛ̃ nyɛnyɛɛ la yǎa biĩ? Ee, maǹ die goɛ̃ la yǎa biĩ kəni?

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Bɔ bɛ̀rɛbaa nɛ 23:6

Ka baran mɛnaa doobaa la kiri wɔ ǹ bǎã-n wa.

Izayii 5:20

Kaa wɔ n ka bɔ̀n nɛ, kasɛn mɛnɛn bɛ́ pii mà sii baraa n siĩni, mà sii sonbore n baraa. Ka n penleen bɔyɛɛ ka baa tèlò lɛa, ka tèlò bɔyaa ka baa penleen lɛa. Màn mɛn bɛ́ kɔɔsɛ, ka n bɛ bɔyɛɛ ka baa kɔɔ̃nɛ. Màn mɛn bɛ́ kɔɔ̃nɛ, ka n bɛ bɔyɛɛ ka baa kɔɔsɛ.

Izayii 59:12

Taãn nɛ, wɔa siɛ̃n nə́ mɔnaa n yɔrɔ-a. Wɔa sii baraan man wɔ zɛ̀rɛ biɛ. Wɔ nə n taasɛ ka wɔa sã ǹ siin kɛn nɛ biikoo yii li. Taãn nɛ, wɔ á wɔa siɛ̃n doɛ̃.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 12:6

Sonbore, n tanlɛ minin laanka n sumu lɛ minin dinin manə n yiri siɛ̃. Maǹ nə n lɛ dii n ganaa. Ta maǹ boo diɛ n nɛ sɔnbɔraanɛ, n nyan nə n foo doa ǹ ganaa wa.

Zeremii 26:8

Zeremii bɛ́ á Lawa a boo lɛ da zaman tumaa nɛ á nya, Lawa a wúlu-bɔlen ne, Lawa a boo gii-dalin ni ka zaman lɛ nɛ, ǹ nə́ Zeremii kũ, ǹ nə́ pii ni: «N doamaa-n ka gɛ̀ nɛ!

Zeremii 8:7

Gɔgɔrɔ mɛn din bɛ́ lon, a woo biikoo ke, á bɛ doɛ̃. Leere bàan nɛ ka yongoo ne, bɛn tumaa ta ǹ wusoo a daa biikoo doɛ̃. Sɛnɛ, ma landan mɛnɛn koa, maa zaman lɛ sɛ a bɛn doɛ̃ wa.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Ozee 10:4

Boo n woe ǹ la. Maǹ lɛ kɔn we kɔn la, maǹ liɛ we soɛ la. Ǹsɛn gɔn, pepere-pɛ na á buu sèwòdɛnaa baa, ka nyankɔrɔ bɛ́ lɔn kantian bii ni wuru-n.

Amɔɔsi 5:12

Ma á doɛ̃, kaa piã ǹ siin nə́ la yii ni, kaa sii baraan tá mɔnaa nɛ. Ka n mɛnɛɛ min peperen la. Ka n lɛ pii ǹ mànan sii, ka n nɔmaa-wɔlen sonbore bɔyɛɛ, kiri wɔ ǹ bǎã nɛ.

Amɔɔsi 5:7

Á ke, ká taãn-pɛ bɔyaa ká baa kɔɔsɛ, peperebaa ke, ká bɛ naa tán.

Marki 7:9

Yezu tɔ́n pɛ ǹ nɛ doo: – Ka á boe piã la dɛ, ka n piã ka Lawa a dí-pɛ nɛ, ka n ka dinin landa siin lɛn zɛnɛɛ!

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Nya ǹ dín 7:59

Ǹ bɛ́ Itian lɛ dii, a na á goã Lawa nyankoe kɛnɛn: «Dɛnaa Yezu, masɛ telenboen si.»

Rɔmu minin 3:31

A bie ka wɔ n li wɔ dí-pɛn lɛn sàabaa ká goleemali pàã-n wa. Haayii! Wɔ n pàã we dí-pɛn lɛn nɛ ká wɔa boon kɛn nɛ.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.