Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Abakuku 1:13 - LAWA A BOO SONBORE 2011

13 N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

အခန်းကိုကြည့်ပါ။ ကော်ပီ

LAWA A BOO SONBORE

13 N yii a sonborebaa á gole sii baraa a ga ma-a ganaa. N ba lɛ koe sii baraa ganaa wa. Sɛnɛ, min mɛnɛn bɛ́ ǹ miãn siɛ̃, ma nə n lɛ tiɛ̃ n tá giɛ bɛn ganaa. Bɛ̀ min baraan tá basaã koe min sonboren manɛ, n ba boo diɛ wa.

အခန်းကိုကြည့်ပါ။ ကော်ပီ




Abakuku 1:13
37 ပူးပေါင်းရင်းမြစ်များ  

Má bɛ din dɛ, sanparɛ, bɛ̀ min baraan nə́ woo kaa min pepere li a kion, ǹ nə́ dɛ a waa ǹ piì la! Ka gɛ̀ mɛn dɛ, man die bɛ lɛ dòo boe ka ganaa, ma ka dɔn dɛ, ma ka bɔ kanaa.»


Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.


A giala, sii kɛ lɛ gɔ́ɔ̃ nɛ, bɛ̀ n dɔ nə́ n lɛ tã ń giã tán, Zuifun tá re dɔmalɛ yii a bɔ paǹ kɔsɔ li ka lɔlɔ a da ǹ kirisibaa. Sɛnɛ, n din laanka n kion minin tá re bɔ̀n biɛ. Die n doɛ̃? Kɔntan, sii kɛ lɛ miã tɔrɔ taman yii ni, ń kii a lɔ baa.»


Bɛ̀ ń Lawa yaa a ba wɛɛ a din a dia dí-a wole sonboren kɛn la lon wa, a din lon mɛn zɛnaa bɛ̀ bɛa yoreen ne a yɔrɔ-a wa,


Wàa na á baa min baraan yii n goɛ̃ koo? Wàa na á baa ǹ tá zizi din koe, màn nə́ tɔn miɛ ǹ pàã li?


Lawa n zɛnɛɛ ǹ taasɛ mà ǹsɛn tá là nyantoro la, sɛnɛ, a n giɛ ǹ tɔ wɔ ǹ gɔn ganaa.


Min baraa kɛ pàã nya. A baraabaa lɛ papaã, min din baran a gòɛ̃ yɛ wa.


Bɛ̀ min mɛn tá bɔlɔgoondɛnaa lɛa, n dɔ n bɔlɔgoondɛnaabaa sii zɛnɛɛ bɛ nɛ. Bɛ̀ min mɛn a sii á pepere, n dɔ n peperebaa sii zɛnɛɛ bɛ nɛ.


Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.


Dɛnaa Lawa, n nə n die n lɛ tiɛ̃, n ga bɛ ganaa kɛnɛn yǎa biĩ? Ma kanbaa ǹ basaã gole kɛ ganaa, ma gɔsɛ n ma bɔ yàran kɛn gɔn.


Haya Dɛnaa Lawa, n yii bɛ́ á yɛ. N nyan nə n lɛ tã kɛ ganaa wa, n nyan nə n wɔlɔ lui ma ganaa wa,


«Wɔsɛn wɔa kɛnɛn», n nyan toa ǹ bɛ pɛ wa, «wɔ gɔn dɔ-a kəni», n nyan toa ǹ bɛ pɛ wa.


N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.


Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.


A giala, ma foo na á goã wuu pii din gole-kɔlen kɛn li, ma yii na a ganaa, min baraan sii n bǐɛ̃ koe.


Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.


Loe kɛ lɛ n boe kanaa paǹ tumaa ganaa: «Ka Lawa tɔ bɔ, asɛ mɛn bɛ́ pepere!» Sɛnɛ, masɛ n kɛ pii: «Má sàabaa, má sàabaa. Wàa koe-n ka kɛ-n ma ganaa.» Tentenən man minin yiri siɛ̃, minin sã woo minin sã. Tentenən man minin siɛ̃.


Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.


bɛ̀ n tá kiri diɛ min la kiri kuru ǹ bǎã nɛ biikoo mɛn li, Dɛnaa Lawa yii ba a ganaa wa?


Á ke, ń minbuiin nɛ baa ka zɔ̀ bɛ́ lɔn, ka tɔɔ bisinin bɛ́ lɔn, dɛnaa ná a ba ǹ la wa.


Ka nyan taasiɛ baraa wɔ kɔn a paǹ li wa. Ka nyan nə n liɛ soɛ la wa. Bɛa sii bɔbɔnɛɛn kɛn lɛn ba ma foo sii wa. Dɛnaa Lawa a da ǹ boo ne.


sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.


A giala, kaa Lawa, Dɛnaa Lawa dinmaa nə n bibiĩ kaa giã ǹ bǎã lɛ nɛ, a n ka tamaɛ, a n kaa zɔ́ɔn we ka gɔn. Bɛ lɛ nɛ, kaa giã ǹ bǎã lɛ doamaa nɛ a goã yoreene Lawa wɔ lɛa. Sii mɛn bɛ́ a siĩn wa, ka doamaa bie ka bɛ zɛnaa wa. Bɛ̀ á ka yɛ bɛ zɛnɛɛ, a n die n gɔn boe ka ganaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ