Matiyo 9:19 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹⁹ Hapa-eg hi Apo Hisos kateng aw-alagad na ay nanigè nin nakilako kona.

Matiyo 9:19 ပူးပေါင်းရင်းမြစ်များ

Matiyo 8:7

Hinalità kona ni Apo Hisos, “Mako ko bayro,” wana, “ta pakahampaten ko ya.”

Matiyo 9:18

Mintras anhalita-en et bayto konla ni Apo Hisos ay ma-in nakalateng ya miha ha ampipamo-on ha himba-an nin Hawhodiyo. Hapa-eg, nanalimokod ya ha arapan ni Apo Hisos ta hinalità na ya ombayri: “Hay anak koy babayi ay kapimati; kayà makilako ka kongko ta aptohen mo yan bongat ay mabiyay yan oman.”

Matiyo 9:20

Hin ampowakoyna hili Apo Hisos ay ma-in mihay babayi ya napakarani ha bokotan na. Habaytoy babayi, ha lo-ob labinloway ta-on ay sigisigi ya pantolò nin dayà na ta ma-in yan dipirinsya. Hinalità na ha sarili na, ya wana, “Ma-aptoh kon bongat ya laylay dolo ni Apo Hisos ay homampat ako.” Hapa-eg hay laylay dolo ni Apo Hisos ay na-aptoh na.

Howan 4:34

Hinalità konla ni Apo Hisos “Bilang pamamangan ko,” wana, “ya panhohomonol ko ha kalabayan nin Diyos ya nangihogò kongko boy ha panyarì ko nin trabaho ya inggawà na kongko.

Gawgawà 10:38

Tandà moyo et ya kaganawan ginawà ni Apo Hisos ya taga banowan Nasarit. Inggawà nin Diyos ya Ispirito na boy kapangyariyan na koni Apo Hisos. Kayà ha pamako na ha maski ayrin dogal ay ampanggawà yan mahampat boy ampamakahampat yan kaganawan tawoy anti ha hilong kapangyariyan ni Satanas. Angkagawà na bayto ta Diyos ya ampanambay kona.