Markos 6:38 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³⁸ Pinastang hila ni Apo Hisos, “Ongnoy tinapay ya anti bahen? Helken moyo,” wana. Hin nakit la no ongno ay hinalità la koni Apo Hisos, “Limay tinapay,” wanla, “boy loway ikan.”

Markos 6:38 ပူးပေါင်းရင်းမြစ်များ

Matiyo 15:34

Pinastang hila ni Apo Hisos, “Ongnoy tinapay ya ma-in komoyo?” wana. “Pitoy tinapay,” wanla, “boy ma-in ongnoy mangayamò ya ikan.”

Markos 6:37

Piro tinombay konla hi Apo Hisos, “Hikawo,” wana, “ya mambi konla nin pamamangan.” Hinalità la koni Apo Hisos, ya wanla, “Ha kalak-an nin habayti ya tawo, hay ka-ilangan ya kantidad nin panaliw ipakan konla ay alagà waloy bowan ya sowildo nin miha katawo. Labay mo nayì nin mako kayin maggastos nin ombayro kalakè ya panaliw tinapay para ipakan konla?”

Markos 6:39

Hapa-eg, hinalità ni Apo Hisos ha aw-alagad na ya pa-ikno-en la baytoy kaganawan tawo nin gropogropo ha dawdikot.

Markos 8:5

Pinastang hila ni Apo Hisos, “Ongnoy tinapay ya ma-in komoyo?” wana. “Pito,” wanla.

Lokas 9:13

Piro hinalità konla ni Apo Hisos, “Hikawo,” wana, “ya mambi konla nin pamamangan.” Tinombay hila koni Apo Hisos, “Limay tinapay bongat,” wanla, “boy loway ikan bayti ya anti bayri. Maka labay mo kayi nin pahaliwen nin pamamangan ya pamakan nin habayti ya kalak-an tawo.”

Howan 6:9

“Ma-in bayri,” wana, “nin mihay anak ya lalaki ya ma-in nin limay tinapay boy loway ikan, piro pangno magkasya bayti ha kalak-an nin habayti ya tawtawo?”