Kawkanta 96:9 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁹ Hambawen moyoy Pangino-on ta hiya ay ayin kapintasan boy masyadoy kagandawan na; kaganawan tawo bayri ha babon lotà ay mamegpeg ha arapan na ha panggogomalang kona.

Kawkanta 96:9 ပူးပေါင်းရင်းမြစ်များ

Kawkanta 110:3

Ha allo nin labanan moy kawka-away mo, hay tawtawowan moy lawlalaki ay mipagbolontad nin makilamo komo. Hila ay ayin imbalag ha deyang no mahambak nin banà ha kalago-an la, boy hila ay makilamo komo nin mako ha masagradoy bawbakil.

Kawkanta 114:7

Hay babon lotà ay dapat mamegpeg, ta hay Pangino-on ya Diyos ya pinahimala-an ni Hakob ay anti bayro.

Kawkanta 29:2

Igwà moyo ha Pangino-on ya pamomori ya nararapat ha ngalan na; hambawen moyoy Pangino-on ta hiya ay ma-in kagandawan ya ayin kapintasan.

Kawkanta 33:8

Dayi, kaganawan tawo bayri ha babon lotà ay gomalang boy homamba ha Pangino-on,

Kawkanta 76:11

Igwà mo ha Pangino-on mon Diyos ya impangakò mo kona; hay tawtawo ha nawnasyon ya mangarani bayri ay magrigalo kona; hiya ya dapat igalang.

Kawkanta 76:7

Hika ay talagan dapat igalang! Warì ma-in makapaki-arap komo no ampamahang ka?

Kawkanta 99:1

Hay Pangino-on ay ampamo-on; dayi, hay tawtawo ay mipamegpeg ha panggogomalang la kona. Hiya ay ampiknò ha trono na ha piha-etan nin aw-anghil ya an-ingaten kirobin; dayi, hay babon lotà ay ma-eyeg.