Kawkanta 65:4 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁴ Makalmà ya tawoy pinilì mo ta gitan mon pa-iri ha kama-inan mo. Hikayi ya pinilì mo ay maraygan ha mangaganday bawbagay ya anti ha bali mo ya masagradoy kama-inan mo.

Kawkanta 65:4 ပူးပေါင်းရင်းမြစ်များ

Kawkanta 135:4

Hi Hakob ya an-ingaten et Israyil, hay aw-inalalak na ay pinilì nin Pangino-on nin mag-in ikon na.

Kawkanta 15:1

Pangino-on, hinoy karapatdapat nin pa-iri ha bali mo? Hinoy karapatdapat nin pa-iri ha masagradoy bakil ya kama-inan mo?

Kawkanta 17:15

Hiko balè, banà ha kahampatan ya inggawà mo kongko, Pangino-on, pangati ko ta mabiyay akon oman, makit katan bongat arap-arapan ay kontinto koyna.

Kawkanta 23:6

Kayà angkasigoro ko ya hay kahampatan mo boy panlalabi mo ay anti kongko nin leleg biyay ko, boy hiko ay anti komo anggan makakanoman.

Kawkanta 24:7

Hay polta nin paghambawan ay pakalo-atan emen hay Arì ya ahè mapantayan ay pomahok.

Kawkanta 33:12

Makalmà ya tawtawo ha mihay nasyon ya hay Diyos la ay Pangino-on; makalmà hila ta hila ay pinilì nin Pangino-on nin pag-ikon na.

Kawkanta 36:8

Hila ya ampakaranas nin ingangalo mo ay ma-in sapat ya kowinta pamamangan ya ampangibat komo; ombayro simpri ha kowinta inomen ya ampangibat ha ahè mangaka-anggawan ya kahampatan mo.

Kawkanta 38:5

Hay hawhogat ko ay ampanhayo boy kapaparami-il nin banà ha katangahan ko.

Kawkanta 4:3

Habayti ya tanda-an moyo: imbokod ako nin Pangino-on nin para kona ta ma-in akon panlalabi kona. Anleng-en nin Pangino-on ya an-ipakirawat ko kona.

Kawkanta 63:5

Hiko ay mag-in kontinto nin bilang ha tawoy napdà nangan nin makatang ya pamamangan, boy magkanta kon maligay kanta ya pamomori komo.

Kawkanta 84:4

Makalmà ya ampipampa-iri ha bali mo ya pirmin ampagkanta nin pamomori komo.

Ipiso 1:4

Banà koni Pangino-on Hisokristo ay ombayri ya kahampatan ya ginawà kontamo nin Diyos. Hin hato et, biha pinalsa ya babon lotà, hitamo ay pinilì ana nin Diyos emen tamo mag-in malinis nin ayin kasalanan ya ma-ipintas kontamo nin Diyos. Ha panlalabi kontamo nin Diyos,

2 Tisalonika 2:13

Hikawo ay dapat nawen nin pirmin ipagpasalamat ha Diyos, pawpatel nawen ya anlabiyen nin Pangino-on; ta pa-ibat hin primiro, Diyos ya namilì komoyo emen ha panlilinis komoyo nin Ispirito nin Diyos boy ha pantotompel moyo ha kaptegan nin Diyos ay malibri kawo.

Impatnag 3:12

Hinoman ya makatalo koni Satanas ay gaw-en kon pampatibay nin bilang tarek ha bali ya paghambawan ha Diyos ko. Hiya ay agana ma-alih bayro, boy hiya ya pangiholatan ko nin ngalan nin Diyos ko boy ngalan nin siyodad nin Diyos ko ya ayin kanayon no alwan hatoy bayoy Hirosalim ya mag-aypà nin mangibat ha katatag-ayan ha kama-inan nin Diyos ko. Hiya et ya pangiholatan ko nin bayoy ngalan ko.