Kawkanta 17:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Pangino-on, asikasowen mo ko boy leng-en moy an-ida-ing ko komoy makatoynongan. Pakaleleng-en moy panalangin ko ya leseb ha nakem ko.

Kawkanta 17:1 ပူးပေါင်းရင်းမြစ်များ

Kawkanta 102:2

Agmo ko pa-olayan no ma-in akon kagipitan. No ampangingat ako komo ay leng-en mo ko ta tampol mo kon tobayen.

Kawkanta 140:12

Tandà ko, Pangino-on, ya andipinsawan moy karapatan nin aw-apih boy ampipanga-ilangan.

Kawkanta 142:1

Hiko ay andoma-ing ha Pangino-on; ha pandoma-ing ko kona nin tambay ay an-ipakakhaw koy bosis ko.

Kawkanta 142:6

Leng-en moy an-ida-ing ko komoy tambay, ta masyado kon angkadiskorahi. Ilibri mo ko ha kawka-away ko ya mas makhaw kongko.

Kawkanta 143:1

Pangino-on, leng-en moy panalangin ko ya an-ida-ing ko komo. Ha katapatan mo boy kahampatan mo ay tobayen mo ko.

Kawkanta 145:18

Hiya ay marani ha kaganawan ampangingat kona nin leseb ha nakem.

Kawkanta 18:20

Hay pangilibri kongko nin Pangino-on ay kowinta primyo ko banà ha kahampatan ko, boy banà ta ayin yan nakit ya ginawà koy kasalanan ha kawka-away ko.

Kawkanta 18:44

Pamakalengè lan halita-en ko ay honolen la ko; kateng dawdayowan ay ipasakop lay sarili la kongko.

Kawkanta 43:1

Diyos ko, paptegan mo ya hiko ay ayin ginawà ya kasalanan, boy idipinsa mo ko ha tawtawoy ahè antompel komo. Ilibri mo ko ha tawtawoy manloloko boy ha tawtawoy mangala-et.

Kawkanta 5:2

Arì ko ya Diyos ko, leng-en mo dayi ya an-ida-ing kon an-ipanalangin komo ya tambay.

Kawkanta 54:4

Tandà ko ya hay ampanambay kongko ay Diyos; hiya ya Pangino-on ya ampangidipinsa kongko.

Kawkanta 55:18

Ibira na ko nin ahè mapangno ya ma-ibat nin makilaban ha malakè ya ka-away ko.

Kawkanta 61:1

Diyos ko, leng-en moy an-ida-ing ko, boy pakaleleng-en mo ya panalangin ko.

Kawkanta 61:2

Hiko ya anti ha marayò ya dogal ay andoma-ing komo nin banà ha kalele-an ko. Gitan mo ko ha ma-in dipinsa ya kowinta malhay ya bato.

Kawkanta 66:19

Piro talagan nilengè ako nin Diyos, ta tinobay nay panalangin ko.

Kawkanta 7:8

Hika, Pangino-on, ya manosga nin kaganawan tawo. Kompormi ha kahampatan ko, panosga mo kongko ay paptegan mo konla ya ayin akon mala-et ya ginawà.

Kawkanta 84:9

Pangino-on Diyos, bindisyonan moy arì ya pinilì mon pag-arì nawen.

Kawkanta 86:1

Pangino-on, leng-en mo boy tobayen ya panalangin ko, ta hiko ay makapey ana boy ayin ampanambay kongko.

Kawkanta 86:6

Pangino-on, leng-en moy panalangin ko; leng-en moy an-ida-ing ko komoy tambay.

Kawkanta 88:3

Malakè ya anlomateng kongkoy kagolowan; kayà marani koynan mati.

Matiyo 15:8

‘Habayti ya tawtawo, wanan Diyos ay ampaghalità nin an-igalang la ko, piro marayò ya nakem la kongko.

Howan 1:47

Hapa-eg, hin nakit ni Apo Hisos hi Natanyil ya ampakarani kona ay ombayri ya hinalità na ya tongkol koni Natanyil, “Habayti,” wana “ya peteg nin Israylita. Hiya ay ahè ampanggawà nin alwan tamà.”

1 Howan 3:21

Kayà, pawpatel ko, no hay nakem tamo ay ayin pagdododa ay makhaw ya nakem tamon omarap ha Diyos,