Kawkanta 120:1 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹ Hin anti ko ha kagipitan ay dinoma-ing ako ha Pangino-on boy nilengè na ko.

Kawkanta 120:1 ပူးပေါင်းရင်းမြစ်များ

Kawkanta 102:2

Agmo ko pa-olayan no ma-in akon kagipitan. No ampangingat ako komo ay leng-en mo ko ta tampol mo kon tobayen.

Kawkanta 107:13

Hapa-eg, hay angkagolowan la ay inda-ing la ha Pangino-on; kayà inlibri hila nin Pangino-on ha kagipitan la.

Kawkanta 118:5

Banà ha kagipitan ko ay dinoma-ing ako ha Pangino-on; tinobay na ko boy inlibri, ta binyan na kon ka-inomayan.

Kawkanta 121:1

Nanegteg ako ha bawbakil biha ko pinastang ya sarili ko nin ombayri: Ayri mangibat ya tambay kongko?

Kawkanta 122:1

Hay towà ko hin ma-in naghalità kongko nin ombayri: “Mako tamo ha bali nin Pangino-on.”

Kawkanta 123:1

Pangino-on, ampaninglà ako komo ha katatag-ayan ha kama-inan mo ya ampamo-onan mo.

Kawkanta 124:1

Ma-arì nin ombayri ya halita-en nin aw-inalalak ni Israyil: no agtamo kinampiyan nin Pangino-on hin kowinta dinawohong tamo nin kawka-away tamoy masyadon ampipamayani ay kowinta in-amon la tamoy angkabiyay;

Kawkanta 125:1

Hay ampipampahimalà ha Pangino-on ay bilang ha Bakil nin Siyon ya ahè ma-eyeg boy manatilin ayin angga.

Kawkanta 126:1

Hin imbira tamo nin Pangino-on ha dogal ya an-ingaten Siyon, habayto ay nangyari nin bilang bongat ha taynep.

Kawkanta 127:1

Hay ampipanggawà bali, no aghila tambayan nin Pangino-on, hay anggaw-en la ay ayin kowinta. Ombayro simpri ha mihay siyodad; no ahè protiksyonan nin Pangino-on, hay ampipagbantay ya anti bayro ay ayin kowinta.

Kawkanta 128:1

Makalmà ya kaganawan tawoy anggomalang ha Pangino-on boy anhomonol ha an-ipanogò na.

Kawkanta 129:1

Dayi, hay halita-en nin aw-inalalak ni Israyil ay ombayri: “Pa-ibat hin malagò ako ay masyado kon pinadya-dya-an nin kawka-away ko, piro agla ko napatalo.

Kawkanta 130:1

Pangino-on, ha masyadoy kalele-an ya andanasen ko nin banà ha kadya-dya-an ay andoma-ing ako komo.

Kawkanta 131:1

Pangino-on, ayin akon nakem ya mapagmalhay boy alwa kon hambog nin manegteg. Agko ampaki-emen ha mangaldeg ya labay totolen nin bawbagay ya kawkapapa-ispanta ya agko angka-intindiyan.

Kawkanta 132:1

Pangino-on, panemtemen mo hi Dabid ha kaganawan kadya-dya-an ya dinanas na.

Kawkanta 133:1

Anyaynan kahampatan boy kagandawan nin makit ya mipapatel ha Pangino-on ya ampilalamo ya ma-in pagmimiha!

Kawkanta 134:1

Poriyen moyoy Pangino-on, hikawoy kaganawan nin magsisirbi na ya pinilì nin magsirbi ha bali na no yabi.

Kawkanta 18:6

Banà ha ka-irapan ya andanasen ko, hiko ay nakirawat ha Pangino-on; dinoma-ing ako ha Diyos ko nin tambayan na ko. Ha pandodoma-ing ko, hay bosis ko ay nalengè nin Diyos ha kama-inan na, boy nilengè nay inda-ing ko kona.

Kawkanta 50:15

Hapa-eg, makirawat kawo kongko no ma-in kawon angkagolowan; ilibri katawo boy poriyen moyo ko.”

Kawkanta 50:23

Hay ampambin dangal kongko ay pamasalamat. Hay ampipanhomonol kongko ay ilibri ko.”

Lokas 22:44

Banà ha masyadon mabiyat ya angkatanam ni Apo Hisos ay lalò yan nanalangin; kayà hay haynget na ay bilang dayà ya ampantolò ha lotà.

Hibriyo 5:7

Hin anti et bayri hi Apo Hisos ha babon lotà ay nanalangin ya ha Diyos ya makapilibri kona ha kamatyan. Ha pamakirawat na ay ampantolò ya lowà na boy makhaw ya tangih na. Hay andawaten na ay nilengè nin Diyos banà ta hi Apo Hisos ay nagmaka-aypà nin hinomonol ha Diyos.