Kawkanta 119:33 - Hay halitá nin Diyos hay kawkanta boy kawkahalita-an (The New Testament Psalms and Proverbs)

³³ Pangino-on, itorò mo kongko ya pawpanogò mo, ta ha kaganawan oras ay honolen ko.

Kawkanta 119:33 ပူးပေါင်းရင်းမြစ်များ

Kawkanta 119:112

Ninakem ko ya talagan honolen koy pawpanogò mo leleg biyay ko.

Kawkanta 119:12

Amporiyen kata, Pangino-on; itorò mo kongkoy an-ipanogò mo.

Kawkanta 119:2

Makalmà ya ampipanhomonol nin matibolos ya nakem ha an-ipanogò na.

Kawkanta 119:8

Honolen koy pawpanogò mo; kayà agmo ko pa-olayan.

Kawkanta 39:2

Kayà agko naghalità maski tongkol ha bawbagay ya kahampatan, piro hay angkatanam ko ay lalò ana ingat nin binomyat.

Matiyo 10:22

Banà ha pamakilamo moyo kongko, hikawo ay pag-inakitan nin kaganawan tawo. Piro hay makatagal ha kadya-dya-an boy ampanatilin antompel kongko angga ha ka-anggawan nin biyay na ay ma-in kalibriyan.

Matiyo 24:13

Piro hay ampanatilin antompel kongko boy makatagal ha kadya-dya-an angga ha ka-anggawan nin biyay na ay ma-in kalibriyan.

Howan 6:45

Hay hinolat nin pawpropita ay ombayri: ‘Kaganawan tawo ay toro-an nin Diyos.’ Kayà,” wani Apo Hisos, “hinoman ya ampanlengè ha Tatay boy angkatoto kona ay ampakarani kongko.

Pilipos 1:6

Angkasigoro ko ya hay kahampatan ya inompisawan nin Diyos nin gaw-en ha nakem moyo ay patoloy nan gaw-en angga ha mayarì na ha allon magbira hi Pangino-on Hisokristo.

1 Howan 2:27

Hay Ispirito nin Diyos ya inggawà komoyo ni Apo Hisos ay tinanggap moyoyna. Hiya ay ampanatili ha nakem moyo; kayà alwa moyoynan ka-ilangan nin ma-in et manorò komoyo, ta hay Ispirito nin Diyos ya ampanorò komoyo nin tongkol ha kaganawan bagay, boy hay an-itorò na komoyo ay kaptegan, alwan kabongkokan. Manatili kawo koni Pangino-on Hisokristo emen kawo makahonol ha an-itorò komoyo nin Ispirito nin Diyos.

Impatnag 2:26

“Hinoman ya makatalo koni Satanas boy homonol ha kalabayan ko angga ha kamatyan ay biyan kon katongkolan ya impahimalà kongko nin Tatay ko. Ipaba-alà ko konla ya kaganawan nasyon bayri ha babon lotà. Mamo-on hila ha kaganawan boy ayin makatalo konla. Hay karapatan la ay bilang ha karapatan ya inggawà kongko nin Tatay koy Diyos, boy hay tawtawoy ampag-ari-an la ya sigisigin ampanggawà nin kala-etan ay matamek la nin emen pagkatamek keren.