Kawkanta 119:10 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹⁰ Sinikap kon napakarani komo nin matibolos ya nakem ko; kayà agmo payagan nin hiko ay mipa-alilih ha pawpanogò mo.

Kawkanta 119:10 ပူးပေါင်းရင်းမြစ်များ

Kawkanta 119:118

Kaganawan nin ahè anhomonol ha pawpanogò mo ay agmo antanggapen, boy hay pawplano lay panloloko ay ahè mangyari.

Kawkanta 119:133

Ha pamimiyay ko ay itoto mo ko nin kompormi ha impangakò mo, boy agmo payagan nin hay kasalanan ay makapangyayari kongko.

Kawkanta 119:176

Hiko ay bilang ha topa ya nitawon; tikapen mo ko ya magsisirbi mo, ta agko anliwawan ya pawpanogò mo.

Kawkanta 119:2

Makalmà ya ampipanhomonol nin matibolos ya nakem ha an-ipanogò na.

Kawkanta 119:21

Anha-aren moy mangahambog boy an-ihompà moy ampa-alilih ha pawpanogò mo.

Kawkanta 119:34

Ipa-intindiyan mo kongko ya pawpanogò mo emen ko mahonol nin leseb ha nakem ko.

Kawkanta 119:58

Ampakarani ko komo nin matibolos ya nakem; ingalowan mo ko nin kompormi ha pangakò mo.

Kawkanta 119:69

Hay mangahambog ay ampamigawa-gawà nin kabongkokan ya kontra kongko. Ombayroman ay matibolos ya nakem kon homonol ha pawpanogò mo.

Kawkanta 125:5

Piro hay ampipamiyay nin alwan tamà ya pamamaraan ay ipakilamo mon parosawan ha ampipanggawà kala-etan. Dayi ay magkama-in katinekan ya aw-inalalak ni Israyil.

Kawkanta 23:3

Ambiyan na kon bayoy kakhawan, boy an-itoto na ko ha tamà ya daan emen ako mag-in mahampat; ha ombayro, hay ngalan na ay maparangalan.

Kawkanta 78:37

Hila ay alwan leseb ya nakem kona, boy alwa hilan tapat ha kasondo-an na.

Kawkahalita-an 2:13

Agla labay ya kahampatan ta hay labay la ay karegleman ya kala-etan.

Kawkahalita-an 21:16

Hay tawoy ampaka-intindi nin tamà ya pamimiyay, piro ampa-alilihan nay mahampat ya pangingintindi ay habaytoy bara-nan nin hiya ay tampol mi-abot ha dogal nin nikati.

Matiyo 6:24

Ombayri et ya hinalità ni Apo Hisos: “Ayin tawoy makapagsirbi nin sabay ha loway amo; ta no pisabayen na, hay miha ay ma-arì pag-inakitan, piro hatoy miha ay labiyen na; o ma-arì nin mag-in yan tapat ha miha, ta hatoy miha ay kasorawan na. Agmo ma-arì pisabayen nin pagsirbiyan ya Diyos boy kayamanan.

Kolosas 3:22

Hikawoy aw-alilà, pakahonol kawo ha aw-amo moyo. Ha pagsisirbi moyo konla ay gomawà kawo maski angkakit la kawo o ahè. Pakatibolosen moyo ya nakem moyo nin homonol konla nin alwan banà ha kalabayan moyo nin mapakonsowilo hila. Ha ombayroy pagsisirbi moyo, hikawo ay anggomalang ha Pangino-on.

1 Howan 2:15

Agmoyo pa-alaga-an ya anyaman ya bagay ya anti bayri ha babon lotà, ta no pa-alaga-an moyo ay ayin komoyo ya panlalabi nin Tatay ya Diyos.