Kawkanta 105:5 - Hay halitá nin Diyos hay kawkanta boy kawkahalita-an (The New Testament Psalms and Proverbs)

^5-6 Hikawoy lipì ni Hakob ya pinilì nin Diyos ya ayin kanayon no alwan aw-inalalak ni Abraham ya magsisirbi nin Diyos, panemtemen moyoy gawgawà nin Diyos ya masyadon kapapa-ispanta boy panonosga na ha kawka-away na.

Kawkanta 105:5 ပူးပေါင်းရင်းမြစ်များ

Kawkanta 103:2

Poriyen koy Pangino-on boy agko liwawan ya kaganawan gawà nay mangahampat.

Kawkanta 119:13

Kaganawan panogò ya hinalità mo ay pi-oman-oman kon ibalità ha kanayon.

Kawkanta 40:5

Malakè ana ya ginawà moy pawpapag-ispantawan, Pangino-on kon Diyos, boy malakè simpri ya plano mo ya para konnawen. Habayti ya ombayri ay ayin nakagawà no alwan hikan bongat. No mihamihawen kon halita-en bayti ay ayin pangaka-oboh.

Kawkanta 77:11

Panemtemen koy gawgawà mo, Pangino-on; awò, panemtemen koy kawkapapa-ispantay gawgawà mo hin hato.

Kawkanta 77:12

Hole-le-en ko boy ihipen ya kaganawan gawà mo.

Lokas 22:19

Hapa-eg, nandampot ya nin mihay tinapay ta pinasalamatan na ha Diyos, biha na binibi-hil nin inggawà konla boy ombayri ya hinalità na: “Habayti ay nawini ko ya igwà ha kamatyan para ikalibri moyo; ombayri ya pamititipon ya gaw-en moyo nin pamanemteman kongko.”

Impatnag 16:7

Hapa-eg, nakalengè ako nin ampaghalità ya hay bosis ay ampangibat ha altar, ya wana, “Pangino-on Diyos ya Pinakamakapangyariyan, talagan matoynong boy tamà ya pamarosa mo ha tawtawo.”

Impatnag 19:2

Matoynong boy tamà ya panonosga na. Sinintinsyawan nay malhay ya siyodad nin Babilonya ya kowinta babayi ya pota, ta banà ha pamakilalaki na ayniloma-et ya babon lotà. Pinarosawan ya nin Diyos ta hiyay ma-in kagagaw-an nin pagkamati nin mawmagsisirbi ha Diyos.”