Kawkahalita-an 30:14 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹⁴ Ma-in tawtawo ya masyadon mamintahi ha manga-irap ya hay anggamiten la ay maski anyay pamamaraan emen hila yomaman.

Kawkahalita-an 30:14 ပူးပေါင်းရင်းမြစ်များ

Kawkanta 12:5

Hapa-eg, hinalità nin Pangino-on, ya wana, “Banà ha pagka-apih boy pandodoma-ing nin ampipanga-ilangan ay pakarani ko konla, ta hay naboyot laynan anhangaren ya protiksyon ay igwà ko konla.”

Kawkanta 124:6

Poriyen tamoy Pangino-on ta agna tamo pina-olayan nin mapati nin kawka-away tamo.

Kawkanta 14:4

Hay pastang nin Pangino-on ay ombayri: “Kaganawan nayì nin ampanggawà kala-etan ay ayin tinandà? Hay tawtawo ko ay anggaw-an lan mala-et, boy aghila ampakirawat kongko.”

Kawkanta 3:7

Pangino-on kon Diyos, tandà ko ya anhira-en moy kapangyariyan nin kaganawan ka-away koy mangala-et emen agla ko mapangno; kayà patoloy mo kon ilibri.

Kawkanta 52:2

Piro hika, hay pirmi mon amplanowen ay paninirà ha kanayon, hay dilà mo ay bilang ha matarem ya labahas, boy hay pirmi mon an-ihipen ay panana-ol.

Kawkanta 57:4

Hiko ay ampirà ha pibotlayan nin kowinta lawliyon ya nakahandà anan mangidakmà nin tawtawo. Hay ngawngipen nin habayti ay emen pawpikà boy emen yawyawò; hay dawdilà la ay emen ha hawhondang ya matarem.

Kawkanta 57:5

Diyos ko ya ayin kapantay, ipatnag moy kapangyariyan mo ha katatag-ayan; ha babon lotà itaman ay ipatnag moy kahawangan nin kagandawan mo.

Kawkanta 58:6

Diyos ko, no pangno angka-alihan powirsa ya mangalagò ya lawliyon ha pangalih nin bangil la ay ombayro dayi, Pangino-on, ya gaw-en mo ha mangala-et ya kawka-away ko.

Kawkahalita-an 12:18

Ma-in tawtawo ya makhit maghalità nin bilang ha hondang ya no makahogat ay malalè. Hay hawhalità nin tawtawoy mangaronong ay ampakapakahampat nin bilang ha tambal.

Kawkahalita-an 22:16

Hinoman ya ampangapih ha manga-irap emen ya yomaman, o ampagrigalo ha mangayaman, hiya ay sigoradon omirap.

Kawkahalita-an 28:3

Hay tawoy ma-irap ya nagkama-in katongkolan ya ampama-irap ha tawtawoy manga-irap ay emen ha oran ya masyadoy hokaw ya ampakahirà nin tawtanaman.

Kawkahalita-an 30:15

Ma-in lintà ya nanganak nin loway babayi ya hay pirmi lan anhalita-en ay “Biyan mo kayi!”; hila ay ayin imbalag bayri ha apat ya bagay ya ahè angkakontinto:

Matiyo 23:13

“Lano ay ka-i-ingaloy mangyari komoyon mawmangitorò nin kawkapanogo-an boy komoyon Pawparisiyo ta hikawo ay mawmagkakanwarì! Hay kanayon ya labay pomahok ha dogal ya ampag-ari-an nin Diyos ay agmoyo ampayagan boy mismon hikawo ay ahè malabay pomahok bayro. (

Impatnag 9:8

Hay habot la ay emen ha habot babayi. Hay ngawngipen la ay emen ngipen liyon.