Kawkahalita-an 3:24 - Hay halitá nin Diyos hay kawkanta boy kawkahalita-an (The New Testament Psalms and Proverbs)

²⁴ Ha pamirà mo nin matoloy ay agka malimo, boy hika ay makakatoloy nin mahampat.

Kawkahalita-an 3:24 ပူးပေါင်းရင်းမြစ်များ

Kawkanta 112:8

Banà ta matibay ya kanakeman na ha pamahimalà na ha Pangino-on ay agya angkalimo, boy talagan talowen nay kawka-away na.

Kawkanta 127:2

Maski ongnoy pagsikap mon magtrabaho ha panikap mon ikabiyay mo ay ayin et bongat no agmo ipahimalà ha Pangino-on. Pangino-on ya ampambin maganday pama-inawa ha tawtawoy anlabiyen na.

Kawkanta 3:5

Ha pamimirà ko boy pangangatoloy ay ampaka-imata ko nin ayin dipirinsya ta amprotiksyonan ako nin Pangino-on.

Kawkanta 3:6

Maski liboliboy ka-away ko ya anti ha mamalibot ko ay agko angkalimo.

Kawkanta 4:8

Ha oras nin hiko ay mirà boy matoloy ay ma-in akon katinekan; agko mapangno ta hika, Pangino-on, ya mangilibri kongko.

Kawkanta 91:5

Hay kawkakalimowan no yabi ay agmo kalimowan, boy no allo, anyaman ya lomateng ya alwan maganday pawpangyayari ay agka simpri malimo.

Kawkahalita-an 1:33

piro hinoman ya ampanlengè kongko ya karonongan ay magkama-in kasigorowan. Agya mapangno boy ayin mag-in bara-nan para hiya ay malimo.”

Kawkahalita-an 19:23

Hay panggogomalang ha Pangino-on ay ampakapakarà biyay, ampakapaliga, boy ampakapilibri ha kadisgrasyawan.

Kawkahalita-an 6:22

ta habayto ya mangitoto komo ha pantomalà mo. Ahè ma-alih komo maski angkatoloy ka, boy ha pamimata mo ay mag-in wawali komo.

Gawgawà 12:6

Habayton yabi, biha ipakwa ni Arì Hirodis hi Pidro ta gitan nin i-arap ha tawtawo, hiya ay angkatoloy ha piha-etan nin loway hondalò. Hiya ay binalol nin loway tikalà boy do ha poltan pirisowan ay ma-in et nin hawhondalò ya ampagbantay kona.