Kawkahalita-an 16:19 - Hay halitá nin Diyos hay kawkanta boy kawkahalita-an (The New Testament Psalms and Proverbs)

¹⁹ Mas mahampat makilamo ha tawtawoy ma-irap ya ma-in manga-aypà ya nakem kisa maki-atag ha bawbagay ya nakwa nin tawtawoy mapagmalhay ha alwan mahampat ya paraan.

Kawkahalita-an 16:19 ပူးပေါင်းရင်းမြစ်များ

Kawkanta 138:6

Maski ahè mapantayan ya Pangino-on ay an-asikasowen nay manga-aypà ya nakem. Hay mangahambog ay ahè makapagtagò kona maski marayò hila kona.

Kawkanta 34:18

Hay Pangino-on ay maheneh boy ampanambay ha angkahirà ya nakem, boy an-ilibri nay ayin anan pag-asa.

Kawkahalita-an 1:13

No nati hilayna, hay manga-alagà ya kawkamama-in la ay kowen tamo ta pon-en tamoy bali tamo nin kawkamama-in lay makwa tamo.

Kawkahalita-an 1:14

Hali! Kilako ka konnawen ta hay makwa tamo ay pi-a-atagan tamo.”

Kawkahalita-an 25:7

Mas mahampat ya anti-en mo nin hagyaten ka nin pa-ipowisto ha dogal ya para ha mangatag-ay ya pagkatawo kisa pa-alihen ka ta hagiliyan ka nin mas matag-ay ya pagkatawo komo.

Kawkahalita-an 29:23

Hay kahambogan nin tawo ay ampakapilegleg kona, piro hay tawoy mapagma-aypà ay amparangalan.

Kawkahalita-an 3:34

Ahè labay nin Pangino-on ya tawtawoy mapagmatag-ay, piro hay tawtawoy mapagma-aypà ay an-ingalowan na.

Matiyo 5:3

“Makalmà ya tawtawoy ma-aypà ya nakem, ta hila ay makapakilamo ha tawtawoy ampag-ari-an nin Diyos.