Hibriyo 7:20 - Hay halitá nin Diyos hay kawkanta boy kawkahalita-an (The New Testament Psalms and Proverbs)

^20-21 Hay Diyos ay ahè nanompà nin nangakò ha pamilì na hin hato do ha nipag-in pawparì ya gomawà nin sirbisyoy para kona. Piro ha pamilì na koni Apo Hisos ay impangakò na boy pinanompa-an na ha sarili na, ta ombayri ya nakaholat ha Halità nin Diyos ya hinalità nin Diyos koni Apo Hisos: “Hiko ya Pangino-on, an-ipangakò ko komo boy ampanompa-an ko ha sarili ko ya hay pagkaparì mo ay ayin anggawan. Habayti ya hinalità ko ay talagan ahè ma-oman.”

Hibriyo 7:20 ပူးပေါင်းရင်းမြစ်များ

Kawkanta 110:4

Hay Pangino-on ay naghompà nin nagpangakò nin ombayri: “Hika ay parì anggan makakanoman nin bilang koni Milkisidik ya parì hin hato.”

Hibriyo 5:6

Hay kanayon et ya hinalità nin Diyos koni Apo Hisos ay ombayri: “Hika ay parì anggan makakanoman nin bilang ombayro koni Milkisidik hin hato.”

Hibriyo 7:19

Habaytoy kawkapanogo-an ay ayin ma-igwà ha tawtawo para mag-in ayin kakolangan. Kayà pinahiliyan nin Diyos. Hay impahili na ay mas mahampat boy ma-asawan tamo, ta habaytoy paraan ya makapipakarani kona nin tawtawo.