Hibriyo 6:7 - Hay halitá nin Diyos hay kawkanta boy kawkahalita-an (The New Testament Psalms and Proverbs)

⁷ Hay ka-alimbawa-an nin tawtawo ay emen ha lotà ya tinamnan. No pirmin an-oranen baytoy lotà ya tinamnan ay tomobò baytoy intanem. Hay tawoy nangitanem nin habayto ay makinabang ta ma-in yan ma-ekan. Ombayroy tawtawoy nangipagpatoloy nin pantotompel, ta ma-in hilan matanggap ya kahampatan ya mangibat ha Diyos.

Hibriyo 6:7 ပူးပေါင်းရင်းမြစ်များ

Kawkanta 126:6

Hay ma-in kalele-an ya ampipantan nin bawbinì ya itanaman, lano ha pagbira na, hiya ay ma-in kaligawan ya ampantan nin na-alawah nay pawpintehan.

Kawkanta 24:5

Hay tawoy ombayro ay makatanggap nin kahampatan ya mangibat ha Pangino-on, boy halita-en nin Diyos ya Mapangilibri ya habaytoy tawo ay ayin ginawà ya mala-et.

Matiyo 7:8

Hinoman ya ampanalangin ay makatanggap, hinoman ya ampakirawat ay biyan, boy hinoman ya ampangingat ha Diyos ay tobayen.

2 Timotiyo 2:6

Hay masikap ya mamaliyan ay karapatdapat ma-onan makinabang ha alawah na.

Santiyago 5:7

Pawpatel, magpasinsya kawon mangantì angga ha lomateng hi Pangino-on Hisos. Helken moyoy mawmamaliyan: ampagpasinsyawan lan an-anti-en ya a-alawahanen la ya ma-alagà. Ampagpasinsya hila pa-ibat ha ompisa angga ha malabah ya pana-on nin oran.