Титкэ 3:14 - Сибэтиэй Биибилийэ кинигэлэрэ

¹⁴ Биһиги дьоммут, туһата суох сылдьыбаттарын туһугар, эмиэ өрүү үтүөнү оҥоро, атыттарга көмөлөһө үөрэнниннэр.

Титкэ 3:14 ပူးပေါင်းရင်းမြစ်များ

Матфей 21:19

Суол кытыытыгар биир смоковница үүнэн турарын көрөн, тиийэн отон көрдөөн баран, сэбирдэҕиттэн атыны тугу да булбакка: «Аны үйэҥ тухары астаныма!» – диэбитэ. Сонно смоковница куура хатан хаалбыта.

Матфей 7:19

Үчүгэй отону биэрбэт маһы кэрдэн ылан уокка уматаллар.

Иоанн 15:16

Миигин эһиги талбатаххыт – Мин Бэйэм эһигини талан ылбытым; баран туһаны аҕаларгыт, ол туһаҕыт үйэлэргэ барарын туһугар, итиэннэ Мин ааппын ааттаан туран Аҕабыттан тугу баҕарар көрдөстөххүтүнэ, Кини ону биэрэрин туһугар, Мин эһигини туруорбутум.

Иоанн 15:8

Эһиги элбэх аһы биэрдэххитинэ, Мин үөрэнээччилэрим буоллаххытына, Аҕам онон албан аатырыаҕа.

Апостоллар 18:3

бэйэтин курдук балаакка оҥорор идэлээхтэрин билэн, хаалан бииргэ үлэлэспитэ.

Апостоллар 20:35

Тугу да гыммытым иһин, барытыгар маннык үлэлээн-хамсаан кыамматтарга көмөлөһүөхтээхпитин, Айыы Тойон Иисус „ылардааҕар биэрэр ордук алгыстаах“ диэн Бэйэтинэн эппит тылларын умнуо суохтаахпытын холобур буолан көрдөрбүтүм».

Рим христианнарыгар 12:13

сибэтиэйдэр кыһалҕаларын үллэстиҥ; айан дьонун амарахтык көрсүҥ.

Рим христианнарыгар 15:28

Бу сорукпун толорон, кинилэргэ анаан хомуллубуту булгуччу тиэрдэн баран, эһиэхэ таарыйан Испанияҕа барыам.

Эфес христианнарыгар 4:28

Ким урут уорбут, ол аны уорбатын, кыамматтарга бэрсэрдээх буолар туһугар, илиитинэн туһалааҕы оҥорон бары күүһүн ууран үлэлээтин.

Филиппы христианнарыгар 1:11

Иисус Христос көмөтүнэн кырдьык өлгөм үүнүүтүн ылан, Таҥараны албан аатырдаргыт, айхаллатаргыт туһугар үҥэбин.

Филиппы христианнарыгар 4:16

оттон эһиги бэл Фессалоникаҕа кытта (биирдэ эрэ буолбатах) кыһалҕабын толуйан миэхэ көмө ыыппыккыт.

Филиппы христианнарыгар 4:17

Бу эрэйэн этэр буолбатахпын, эһиэхэ үтүөнү эргитэр туһалаах суолу тобулан этэбин.

Колосс христианнарыгар 1:10

Эһиги Таҥараны үөрдэр курдук, оҥорор үтүөҕүтүгэр барытыгар ситиһиилээх буоларгыт, Кинини билэргит дириҥээн, Айыы Тойон үрдүк аатыгар дьүөрэлээх дьоһуннаах олоҕу олороргут,

1 Фессалоника христианнарыгар 2:9

Биһиги хайдах үлэлээбиппитин, сырабытын биэрбиппитин, бырааттарбыт, умнубатах буолуохтааххыт. Хайаҕытыгар да сүгэһэр буолумаары, күннэри-түүннэри үлэлии-үлэлии, Таҥара тылын иһитиннэрэрбитин өйдүүр инигит.

2 Фессалоника христианнарыгар 3:8

ким да килиэбин босхо сиэбэтэхпит, хайаҕытыгар да сүгэһэр буолбат туһугар түүннэри-күннэри үлэлиирбит.

Титкэ 2:8

этэр тылыҥ ыйааһыннаах, лоп бааччы үтүө тыл буоллун, оччоҕо утарсааччылар биһиги туспутунан туох да дьиэктээҕи кэпсиир кыахтара суох буолан, бэйэлэрэ саатыахтара.

Титкэ 3:8

Бу дьиҥ кырдьыктаах тыл. Эн бу чахчылары өрүү өйдөтө-бигэргэтэ сылдьаргар баҕарыам этэ. Таҥараны итэҕэйбит дьон үтүөнү оҥорорго дьулуурдаах буоллуннар: бу киһиэхэ эрэ барытыгар көмөлөөх, туһалаах суол.

2 Петр 1:8

Өскөтүн бу барыта эһиэхэ толору баар, эбиллэ-үүнэ турар буоллаҕына, эһиги Айыы Тойоммутун Иисус Христоһу билиигит ситиһиилээх, үтүө түмүктээх буолуоҕа.