Титкэ 1:8 - Сибэтиэй Биибилийэ кинигэлэрэ

⁸ кини ыалдьытымсах хаһаайын, үтүөнү таптыыр, чөлүн харанар, кырдьыгы көрөр, Таҥараны ытыктыыр, бэйэтин кыана туттар киһи буолуохтаах.

Титкэ 1:8 ပူးပေါင်းရင်းမြစ်များ

Саалтыр 16:3

Сүрэхпин тургутан көрөөрү, Эн миэхэ түүн кэлэн барбытыҥ, миигин холоон көрөҥҥүн, тугу да булан ылбатаҕыҥ: тылым-өһүм миэнэ санаабыттан атына суох.

Лука 2:25

Ол саҕана Иерусалимҥа Симеон диэн киһи баара. Кини Израиль быыһанарын көһүтэр кырдьыктаах, Таҥараҕа бэриниилээх киһи этэ; Сибэтиэй Тыын кинини кытта бииргэ сылдьара.

Апостоллар 24:25

Ол эрээри Павел кинилэргэ кырдьыгы тутуһан олоруу, бэйэни кыатаныы уонна кэнэҕэс Дьүүл туһунан кэпсиириттэн дьиксинэн: «Чэ, бар, бүгүн сөп буолуо. Кэлин бириэмэлэннэхпинэ, ыҥыртара сылдьыам», – диэбитэ.

1 Фессалоника христианнарыгар 2:10

Эһиги, итэҕэйээччилэр, иннигитигэр биһиги сибэтиэйдик, кырдьыктаахтык, эҥкилэ суох олорбуппутун бэйэҕит туоһулуугут, Таҥара да туоһулуо.

1 Тимофейга 3:2

Ол гынан баран епископ эҥкилэ суох олохтоох киһи буолуохтаах; биирдэ эрэ кэргэннэммит, дириҥ толкуйдаах, чөлүн харанар, дуоспуруннаах, айан дьонун амарахтык көрсөр, дьону үөрэтэр-уһуйар кыахтаах,

1 Тимофейга 4:12

Эйигин ким да эдэргин диэн сэнээбэтин: итэҕэйээччилэргэ тылгынан-өскүнэн, олоххунан, тапталгынан, ис тыыҥҥынан, итэҕэлгинэн уонна ырааскынан холобур буол.

1 Тимофейга 6:11

Оттон эн, Таҥара киһитэ, итинтэн барытыттан куотаҥҥын, кырдьыктаах, бэриниилээх буоларга, итэҕэйэргэ, таптыырга, тулуйарга, көрсүө майгыланарга дьулус,

2 Тимофейга 2:22

Эдэр саас имэҥиттэн куот; ыраас сүрэхтэн Таҥараны ыҥырааччылары барыларын кытта бииргэ кырдьыгы, итэҕэли, тапталы, эйэни-или тутуһарга дьулус.

2 Тимофейга 3:3

кинилэр эйэлэһэри билбэт, дьону холуннарар адьынаттаах, бэйэлэрин кыана туттуммат, хаҕыс быһыылаах-майгылаах, үтүөҕэ өстөөх,

Титкэ 2:7

Туохха барытыгар үтүөнү оҥоруу холобурун бэйэҕинэн көрдөр, үөрэтэргэр истиҥ-иһирэх, дуоспуруннаах буол;

1 Иоанн 3:14

Биһиги өлөр өлүүттэн туораан олоххо киирбиппитин билэбит, тоҕо диэтэххэ, бырааттарбытын таптыыбыт; быраатын таптаабат киһи өлөр өлүү кытаҕаһыттан өссө да мүччүрүйэ илик.

1 Иоанн 5:1

Иисус Мессия буоларын итэҕэйэр киһи Таҥараттан төрөөбүт; оттон Төрөппүтү таптыыр киһи Киниттэн Төрөөбүтү эмиэ таптыыр.