Титкэ 1:5 - Сибэтиэй Биибилийэ кинигэлэрэ

⁵ Мин эйигин сиппэтэх үлэни ситэрдин, куорат аайы пресвитердэри анаатын диэн, Крит арыыга хаалларбытым. Барыта эйиэхэ ыйбытым курдук буолуох тустаах:

Титкэ 1:5 ပူးပေါင်းရင်းမြစ်များ

Апостоллар 11:30

Хомуйбут үптэрин Варнавалаах Савлынан пресвитердэргэ ыыппыттара.

Апостоллар 14:23

сиэркэптэргэ сылдьан пресвитердэри анаталаабыттара уонна постанан туран үҥэн баран, кинилэри барыларын итэҕэйбит Таҥараларын көрүүтүгэр-истиитигэр туттарбыттара.

Апостоллар 2:11

Крит арыы олохтоохторо, арабтар – бука бары истэрбитигэр кинилэр Таҥара улуу дьайыыларын туһунан биһиги төрөөбүт тылбытынан кэпсииллэр».

Апостоллар 27:12

Бу бириистэн кыстыырга табыгаһа суох буолан, үгүстэрбит муораҕа тахсан, кыаллар буоллаҕына, Финиккэ тиийэ сатыырга сүбэлээбиттэрэ (Финик – соҕуруулуу-арҕаа уонна хотугулуу-арҕаа диэки хайыһа сытар Крит арыы бириистэнэ).

Апостоллар 27:13

Соҕурууҥҥу тыал үрбүтүгэр кинилэр күүппүппүт дьэ кэллэ дии санаан, баарыстарын туруоран, Крит кытылын кыйа устубуттара.

Апостоллар 27:21

Аһаабатахтара быданнаабыт дьон ортотугар туран, Павел эппитэ:

Апостоллар 27:7

Хас да күн устата бытааннык устан, Книд куоракка тиийбиппит, онтон тыалыттан мэһэйдэтэн, барыахтаах хайысхабытынан барбакка, Крит арыыга Салмон тумуһах туһаайыытынан чугаһаабыппыт.

1 Коринф христианнарыгар 11:34

Дьүүлгэ түбэһэрдии түмсүбэт туһугар, ким аччык, ол дьиэтигэр аһаатын. Мантан атынын тиийдэхпинэ сүбэлиэм.

1 Коринф христианнарыгар 14:40

Барыта сиэрдээхтик, бэрээдэктээхтик эрэ барыахтаах.

1 Коринф христианнарыгар 4:17

Бу туһуттан эһиэхэ таптыыр уолбун, Айыы Тойон эрэллээх киһитин Тимофейы, ыыттым. Кини эһиэхэ тиийэн мин Христоһу батыһар суолум-ииһим ханна да, хайа да сиэркэпкэ үөрэтэрбиттэн уҥа-хаҥас халбаҥнаабатын өйдөтүөҕэ.

Колосс христианнарыгар 2:5

Төһө да аттыгытыгар суоҕум иһин, ис тыыммынан өрүү эһигинниин бииргэ буоламмын, үтүө тэриллиилээх олоххутун, Христоска бигэ итэҕэлгитин көрөн үөрэбин эрэ.

1 Тимофейга 1:3

Македонияҕа барарбар эйигин Эфескэ хаалаҥҥын, сорох-сорохтортон атыны үөрэтэллэрин тохтотоллорун, үһүйээннэринэн, төрдүлэрин-уустарын кэмэ суох түөһүүнэн дьарыгырбаттарын ирдээ диэн көрдөспүтүм. Итинник дьарык мөккүөргэ эрэ тиэрдэр буолан, Таҥара итэҕэл көмөтүнэн ситиһэр соруга туоларыгар туһалаабат.

2 Тимофейга 2:2

Элбэх туоһу ортотугар миигиттэн тугу истибиккин атыттары үөрэтэр кыахтаах, эрэллээх дьоҥҥо тириэрт.

Титкэ 1:12

«Крит олохтоохторо өрүү сымыйаччылар, адьырҕа кыыллар, сүрэҕэ суохтар» диэн хаһан эрэ бэйэлэрин биллиилээх киһилэрэ этэн турар.