Титкэ 1:10 - Сибэтиэй Биибилийэ кинигэлэрэ

¹⁰ Бас бэриммэт хадаар майгылаах, хойгур тыллаах-өстөөх, албын-көлдьүн киһи бэрт элбэх. Ордук итэҕэйбит иудейдар ортолоругар.

Титкэ 1:10 ပူးပေါင်းရင်းမြစ်များ

Матфей 23:14

Сор-муҥ эһигини күүтэр, сокуонньуттар уонна фарисейдар! Сирэй көрбөхтөр! Эһиги огдооболор дьиэлэрин хорон сиигит, дьон көрөрүгэр өр үҥэҕит, ол иһин эһиги соччонон улахан буруйга тардыллыаххыт.

Апостоллар 11:2

Петр Иерусалимҥа кэлбитигэр итэҕэйбит еврейдэр кинини: «Эн баран, быһыллыбатах дьону кытта бииргэ аһаабыккын», – диэн хомуруйбуттара.

Апостоллар 15:1

Иудеяттан ханнык эрэ дьон Антиохияҕа кэлэн, итэҕэйээччилэри: «Моисей сиэрин-туомун толорон быһыллыбатаххытына, эһиги быыһанар кыаххыт суох буолуо», – диэн үөрэппиттэрэ.

Апостоллар 15:24

Биһиги кэккэбититтэн тахсыбыт сорох дьон биһигиттэн туох да ыйыы-кэрдии ылбакка эрэ, „эһиги быһыллыы сиэрин-туомун толоруохтааххыт, Сокуону тутуһуохтааххыт“ диэн симитиннэрэн санааҕытын түһэрбиттэрин иһиттибит. Онон бары түмсэн сүбэлэһэммит,

Апостоллар 20:29

Мин барбытым кэннэ эһиги ортоҕутугар бараан үөрүн аһыммат торҕон бөрөлөр киириэхтэрин билэбин.

Галатия христианнарыгар 2:4

Оттон сымыйа бырааттар тустарынан этэр буоллахха (кинилэр Христос Иисус биһиэхэ биэрбит көҥүлүн уоран көрөн, кулут олоҕор төнүннэрээри, биһиги кэккэбитигэр сирэйдэрин саптан киирбиттэр),

Галатия христианнарыгар 3:1

Оо, толкуйа суох галаттар! Эһиги Евангелиены истэргитигэр Иисус Христос, көрөн турдаххытына, тиириллибит курдук ойууламмыта буолбаат! Оччотугар ким эһигини итинник абылаата?

Эфес христианнарыгар 4:14

Биһиги мантан инньэ албын дьон сатабыллаах уодаһына үөскэтэр араас үөрэх долгуна, тыала-кууһа уҥа-хаҥас түөрэҥнэтэр, илин-кэлин дэллэритэр кыра оҕолорун кэриэтэ буолуо суохтаахпыт,

1 Тимофейга 1:6

Сорохтор итини хааллараннар, туһата суоҕу кэпсэтиинэн дьарыгырар буолбуттар.

1 Тимофейга 1:9

Оннук киһи билэр: Сокуон кырдьыксыттарга буолбакка, суута-сокуона суох быһыыланааччыларга, бас бэриммэттэргэ, Таҥараны билиммэт, аньыылаах-харалаах, итэҕэли утарар уонна Таҥараны холуннарар, ийэлэрин-аҕаларын тыыннарыгар турунар дьоҥҥо, өлөрүөхсүттэргэ,

2 Тимофейга 3:13

Нэгэй, албын дьон куһаҕаҥҥа өссө өрө баран, дьону да муннарыахтара, бэйэлэрэ да мунуохтара.

2 Тимофейга 4:4

инньэ гынан дьиҥ кырдьыгы истэртэн киэр хайыһан кураанах дойҕоҕу истэллэрин ордоруохтара.

Титкэ 1:6

пресвитер туох да дьиэгэ-омсото суох, биирдэ эрэ кэргэннэммит киһи буолуохтаах; оҕолоро Таҥараны итэҕэйэр, содур быһыыга-майгыга омнуоламмат, истигэн оҕолор буолуохтаахтар.

Иаков 1:26

Эһигиттэн хайаҕыт эрэ Таҥараҕа бэриниилээхпин дэнэ сылдьан, тылын кыана туттубат буоллаҕына, ол аата бэйэтин албыннанар – кини Таҥараҕа бэриниилэммитэ туохха да турбат.

1 Иоанн 2:18

Оҕолоор! Бу тиһэх кэм кэллэ. Антихрист кэлиэхтээҕин эһиги истэн тураҕыт. Тиһэх кэм кэлбитин биһиги Христоһу утарааччы хайыы-үйэ үксээбитинэн билэбит.

1 Иоанн 2:4

«Кинини биллим» дии сылдьан, Кини кэриэстэрин толорбот киһи – сымыйаччы, оннук киһи сүрэҕэр кырдьык диэн суох;

1 Иоанн 4:1

Таптыыр бырааттарым! Бу аан дойдуга сымыйа пророк элбээтэ, онон эһиги киһини эрэ барытын итэҕэйбэт буолуҥ, киниэхэ Таҥара Тыына баар дуу, атын дуу диэн, кинилэри тургутан көрөр буолуҥ.

Арыллыы 2:14

Ол гынан баран утарардаахпын: Израиль уолаттарын аньыыга уккуйар туһуттан, кинилэри эмэгэккэ туттуллубут аһы аһыырга, содурдук быһыыланарга кучуйардыы Валаагы үөрэппит Валаам үөрэҕин тутуһааччылар итиннэ эйиэхэ бааллар.

Арыллыы 2:6

Ол эрээри хайгыырдаахпын: эн эмиэ Мин курдук николаиттар дьайыыларын абааһы көрөҕүн.