4 Кини, халлаантан көмө ыытан, миигин быыһыаҕа, оттон миигин күөмчүлээччилэри саатырдыаҕа. Села Таҥара бигэ тапталын, кырдьыгын ыытыаҕа.
Ол иһин биһиги эрдээхтик этэбит: «Айыы Тойон миэхэ көмөлөһөр, онон мин туохтан да куттаныам суоҕа. Киһи миэхэ туох куһаҕаны оҥоруой?»
Оччоҕо, бары кэриэскин анаардахпына, кыбыстыыга киириэм суоҕа этэ;
Давид псалома. Эйигин мин ыҥырабын, Айыы Тойон; туруук таас хайам, миигин истэртэн аккаастаныма. Эн миэхэ хардарбат буоллаххына, мин бэйэбин өлбүт киһилии сананыам.
Эн бигэ тапталгар мин эрэнним; сүрэҕим, Эйиэхэ өрүһүйтэрэн, үөрүөҕэ. Миэхэ үтүөнү оҥорбутун иһин, мин Айыы Тойоҥҥо ыллыаҕым.
Айыы Тойон, Эн миигин тургутан көрөҥҥүн билэҕин. Эн билэҕин мин турар да, олорор да кэммин, саныыр санаабын ыраахтан өйдүүгүн.
Таҥара Бэйэтин тылын туһаайбыт дьонун Суруйууларга таҥаралар диэн ааттыыр, оттон Суруйуулар көтүллүбэттэр.