Саалтыр 45:7 - Сибэтиэй Биибилийэ кинигэлэрэ

⁷ Норуоттар айманаллар, саарыстыбалар самналлар, Таҥара саталаах саҥатыттан сир ууллар.

Саалтыр 45:7 ပူးပေါင်းရင်းမြစ်များ

Еврейдэргэ 1:9

Таҥара, Эн дьиҥ кырдьыгы таптыырыҥ, токур-туора суоллары тумнарыҥ иһин, Таҥараҥ Эйигин атыттардааҕар өрө таһааран, үрдүк үөрүүнү тосхойор елей арыытынан аҕаата».

Саалтыр 21:6

Эйигин ыҥыраллара, ол иһин быыһаан ыларыҥ, Эйиэхэ эрэнэллэрэ, онон кыбыстыыга киирбэтэхтэрэ.

Саалтыр 33:5

Айыы Тойону көрдүүрүм иһин Кини миигин иһиттэ, бары суоһуур кутталтан миигин өрүһүйдэ.

Эфес христианнарыгар 1:3

Таҥараҕа, Айыы Тойоммут Иисус Христос Аҕатыгар айхал буолуохтун! Кини биһигини, Христоһу итэҕэйээччилэри, Халлаан эйгэтигэр бары духуобунай алгыһынан алҕаабыта;

Апостоллар 2:28

Эн миэхэ олох суолун ыйбытыҥ, онон Бэйэҥ иннигэр туруоран сүрэхпин үөрүүнэн толоруоҥ“.

Иоанн 3:34

тоҕо диэтэххэ, Таҥара Ыыппыта Таҥара тылын этэр: Таҥара Киниэхэ Тыыны кэмэ суох биэрэр.

Саалтыр 101:8

Утуйар уум ончу кэлбэт; мин дьиэ үрдүгэр олорор соҕотох көтөр курдукпун.

Иоанн 1:16

Киниэхэ толору баар илгэлээх үтүө баайтан биһиги бары бииртэн биир алгыһы ылбыппыт.

Саалтыр 99:4

Айхал тыллаах ааһыҥ Кини олбуорун аанынан, махтал тыллаах киириҥ Кини тиэргэнигэр; айхаллааҥ Кинини, алҕааҥ Кини аатын.

Рим христианнарыгар 8:29

Тоҕо диэтэххэ, Кини Уола элбэх бырааттыылартан улаханнара буоларын туһугар, Таҥара эрдэттэн, өссө төрүү да иликтэриттэн, билбит дьонун Бэйэтин Уолугар холоонноох буоларга анаабыта.

Саалтыр 11:7

Айыы Тойон этэр тыла – ыраас тыл, туой оһоххо ыраастаммыт, сэттэ төгүл уулларыллыбыт үрүҥ көмүс.

Лука 3:22

Сибэтиэй Тыын холууп курдук көрүҥнэнэн Киниэхэ түһэн кэлбитэ, онуоха Халлаантан: «Мин үтүө көҥүлбүн толорор Тапталлаах Уолум Эн бааргын!» – диир саҥа дуораһыйбыта.

Матфей 3:15

Онуоха Иисус эппитэ: «Билигин маннык буоллун. Биһиги туохха барытыгар Таҥара көҥүлүн толоруохтаахпыт». Иоанн онуоха дьэ сөбүлэспитэ.

Саалтыр 2:2

Сир ыраахтааҕылара сэриилэһээри тэринэллэр, кинээстэр бииргэ түмсэн киксэллэр, Айыы Тойону уонна Кини Ыраахтааҕытын утараннар:

Арыллыы 21:27

Туох да кирдээх, ким да сидьиҥ, албыны-көлдьүнү тутуспут онно киириэ суоҕа, арай Бараан Оҕотугар баар Олох Кинигэтигэр ааттара суруллубут эрэ дьон киириэхтэрэ.

Еврейдэргэ 7:26

Дьэ бу маннык сибэтиэй, кыырпах да саҕа хара санаа сыстыбатах, эҥкилэ суох ыраас, аньыылаахтартан араарыллыбыт, халлааннар үрүт өттүлэригэр ылыллыбыт Архиерей биһиэхэ баар буолуохтаах этэ.

Еврейдэргэ 2:14

Оттон бу оҕолор эттээхтэрин-хааннаахтарын быһыытынан, Кини эмиэ, өлөрөр-өһөрөр былаастаах адьарай күүһүн Бэйэтинэн өлөн туран өһүлээри, өлөртөн куттанан саллар саастарын тухары кулут буолбуттары быыһаары, эмиэ кинилэр курдук эттээх-хааннаах киһи буолбута.

Иоанн 20:17

Иисус эппитэ: «Мин Аҕабар өссө тахса иликпин, онон Миигин таарыйыма. Бырааттарбар баран Мин этэрбин тиэрт: Мин Бэйэм Аҕабар уонна эһиги Аҕаҕытыгар, Бэйэм Таҥарабар уонна эһиги Таҥараҕытыгар тахсабын».

Лука 13:27

Оччоҕо Кини хоруйдуо: „Эһиэхэ этэбин: эһиги кимнээххитин, хантан кэлбиккитин Мин билбэппин. Хара дьайдаахтык быһыыланааччылар, бука бары Миигиттэн киэр буолуҥ!“

Матфей 7:23

Онуоха Мин кинилэргэ этиэҕим: „Мин эһигини олох билбэппин, суута-сокуона суох быһыыланааччылар, киэр буолуҥ Миигиттэн!“