Саалтыр 43:4 - Сибэтиэй Биибилийэ кинигэлэрэ

⁴ Өбүгэлэрбит бу сири кылыстарынан ылбатахтара, бэйэлэрин кыахтарынан да быыһамматахтара: Эн уҥа илииҥ, Эн күүһүҥ, Эн сирэйиҥ сырдыга кинилэргэ кыайыыны биэрбитэ, оннук үтүө сыһыаннааҕыҥ кинилэргэ.

Саалтыр 43:4 ပူးပေါင်းရင်းမြစ်များ

Саалтыр 26:6

Оччоҕо мин иилээн турар өстөөхтөрбүн үөһэттэн өрөгөйдүү көрүөҕүм, Кини ытык Отуутугар киирэммин, үөрэ-көтө, Киниэхэ сиэртибэ биэриэҕим; Айыы Тойону туойуоҕум, айхал ырыатын ыллыаҕым.

Саалтыр 33:2

Айыы Тойону алгыаҕым хайа да кэмҥэ, Кинини уруйдуурбун ууратыам суоҕа.

Саалтыр 57:8

Уу устан ааһарыныы ааһа турдуннар; ох сааларын кирсин тартахтарына, оноҕосторо тосту бардыннар.

Саалтыр 57:9

Хаатыттан тахсан барбыт үөннүү, суола суох сүттүннэр, төрүөн иннинэ түспүт төрүөхтүү, үрүҥ күнү көрбөтүннэр.

Саалтыр 63:2

Айыы Таҥара, иһит мин муҥатыйар саҥабын, суостаах өстөөхтөн өрүһүй дууһабын.

Саалтыр 81:2

«Хаһааҥҥа диэри эһиги кырдьыгы токурутан дьүүллүүгүт, хара дьайдаахтары өрө тутаҕыт? Села

Рим христианнарыгар 5:11

Ол эрээри итинэн эрэ бүппэт: Таҥараны кытта биһигини эйэлэһиннэрбит Айыы Тойоммут Иисус Христос үтүөтүнэн биһиги билигин Таҥаранан киэн туттабыт.

Арыллыы 5:8

Кинигэни ылбытыгар түөрт харамай уонна сүүрбэ түөрт ытык кырдьаҕас Кини иннигэр сөһүргэстии түспүттэрэ; кинилэр хас биирдиилэрэ арфалаах уонна кыһыл көмүс иһиккэ толору кутуллубут үчүгэй сыттаах фимиамнаах этилэр (фимиам – сибэтиэйдэр үҥүүлэрэ).