Саалтыр 23:1 - Сибэтиэй Биибилийэ кинигэлэрэ

¹ Давид псалома. Сир уонна сиргэ баар барыта – Айыы Тойон киэнэ, аан дойду уонна онно олорор барыта – Киниэнэ.

Саалтыр 23:1 ပူးပေါင်းရင်းမြစ်များ

Саалтыр 34:11

Кырыктаах туоһулар миигин утары турдулар, тугу билбэппин, ону ыйытан ыҕарыйдылар.

Саалтыр 79:13

Дьэ уонна тоҕо Эн кини бүтэйин үрэйдиҥ? Билигин ааһар эрэ барыта отонун турута тыытар.

Саалтыр 84:11

Бигэ таптал уонна бэриниилээх буолуу көрсүһүөхтэрэ, кырдьык уонна эйэ уураһыахтара.

Матфей 6:33

Туох-ханнык иннинэ эһиги Таҥара Саарыстыбатыгар, Кини кырдьыгар дьулуһуҥ, оччоҕо ити барыта эһиэхэ бэриллиэҕэ.

Иоанн 10:11

Мин үтүө маныыһыппын: үтүө маныыһыт барааннарын туһугар олоҕун толук биэрэр.

Иоанн 10:14

Мин үтүө маныыһыппын: Мин Бэйэм барааннарбын билэбин, кинилэр эмиэ Миигин билэллэр.

Рим христианнарыгар 8:32

Кини, Бэйэтин Уолун харыһыйбакка биһиги туспутугар толук биэрбит Таҥара, Уолун кытта атыны барытын биһиэхэ хайдах бэлэхтиэ суоҕай?

Филиппы христианнарыгар 4:19

Таҥарам эһиги туох баар кыһалҕаҕытын барытын Бэйэтин килбиэннээх баайыттан ылан Христос Иисуһунан ситэрэн-толорон биэриэхтин.

Еврейдэргэ 13:20

Бараанын үөрүн улуу Маныыһытын – хаһан да көтүллүбэт сөбүлэһии кэс тылын Бэйэтин Хаанынан бигэргэппит Айыы Тойон Иисус Христоһу өлбүттэртэн тилиннэрбит Таҥара, эйэ-ил төрдө,

1 Петр 2:25

Хаһан эрэ эһиги Маныыһыта суох муна-тэнэ сылдьар барааннар курдук этигит, оттон билигин Маныыһыкка – дууһаҕытын Араҥаччылааччыга – төнүннүгүт.

1 Петр 5:4

Дьэ оччоҕо Үрдүкү Маныыһыт тиийэн кэллэҕинэ, эһиги албан аат кэхтибэт мэнньиэһин кэтиэххит.

Арыллыы 7:17

бүрүстүөл ортотугар баар Бараан Оҕото кинилэргэ Маныыһыт буолан, өлбөт мэҥэ уутун дьүүктэтигэр сирдээн илдьиэҕэ. Таҥара кинилэр харахтарын уутун хас биирдии таммаҕын сотуоҕа».