Саалтыр 141:5 - Сибэтиэй Биибилийэ кинигэлэрэ

⁵ Эйигин мин ыҥырдым, Айыы Тойон, Эйиэхэ эттим: «Эн буолаҕын мин бигэ тирэҕим, бу тыыннаахтар сирдэригэр аналым!

Саалтыр 141:5 ပူးပေါင်းရင်းမြစ်များ

Арыллыы 3:19

Таптыыр дьоммун, итэҕэстэрин көрдөрөн туран, дьарыйабын, онон дьаныардаах буол, аньыыгын билин.

Галатия христианнарыгар 6:1

Бырааттарым, өскөтүн ким эмэ аньыыны оҥордоҕуна, кинини эһиги духуобунай дьон, аньыыга киирэн биэрбэттии сэрэнэн, көрсүөтүк көннөрөр буолуҥ.

Аман өһө 25:12

Болҕомтолоох киһи истэригэр муударай сэмэ кыһыл көмүс биһилэххэ, биитэр ыраас үрүҥ көмүстэн кутуллубут симэххэ холоонноох.

Аман өһө 19:25

Кэрээнэ суоҕу кэһэттэххинэ, кэнэн дьон өйдөнүөҕэ; өйдөөҕү сэмэлээтэххинэ, тута көннөрүнүөҕэ.

Аман өһө 15:5

Акаары уол аҕатын сүбэтин сиргэ-буорга тэпсэр, оттон өйдөөх – сэмэни-суҥханы болҕойон истэр.

Аман өһө 6:23

Төрөппүттэриҥ кэс тыла барар суолгун сырдатыа, үөрэппит үөрэхтэрэ үтүө өйгүн сайыннарыа, оттон тыйыс-дьиппиэн ыйыылара олоххо суолгун булларыа.

Саалтыр 125:4

Негев уолбут үрэхтэрин ардах уутунан толороруҥ курдук, Айыы Тойон, билиэн барбыт дьоммутун төнүннэр.

Саалтыр 23:5

Кини Айыы Тойон алгыһын ылыаҕа, Быыһааччы Таҥаратын амарах сыһыанын билиэҕэ.

Матфей 5:44

Оттон Мин эһиэхэ этэбин: өстөөхтөргүтүн таптааҥ, эһигини кырааччылары алҕааҥ, абааһы көрөөччүлэргэ үтүөнү оҥоруҥ, эһигини атаҕастааччылар, сойуолааччылар тустарыгар Таҥараҕа үҥүҥ,

Аман өһө 15:22

Сүбэтэ-амата суох дьыала-куолу сатарыйар, оттон сүбэһит элбэҕэр табыллар.

Аман өһө 12:1

Ким билиигэ тардыһар, ол сүбэлэтэрин сөбүлүүр, оттон сэмэни иннинэн истибэт киһи ньүдьү-балай.