Руфь 2:4 - Сибэтиэй Биибилийэ кинигэлэрэ

⁴ Өссө ити күн Вифлеемтэн Вооз бэйэтинэн тиийэн кэлбитэ. «АЙЫЫ ТОЙОН эһигинниин бииргэ буоллун!» – диэбитэ кини бурдук быһааччыларыгар. «АЙЫЫ ТОЙОН эйигин алҕаатын!» – дэспиттэрэ анарааҥҥы дьон.

Руфь 2:4 ပူးပေါင်းရင်းမြစ်များ

Саалтыр 118:26

Суолбун-ииспин Эйиэхэ арыйбыппын Эн иһиттиҥ; миигин сокуоннаргар үөрэт.

Саалтыр 134:3

Айхаллааҥ Айыы Тойону – Айыы Тойон үтүө санаалаах; ыллааҥ Кини аатыгар – Киниэхэ ыллыыр үөрүүлээх.

Лука 1:28

Аанньал кини дьиэтигэр киирэн: «Үөр-көт, Үрдүк Алгыстаах! – диэбитэ. – Айыы Тойон Эйигинниин! Эн дьахталлартан алгыстаахтарынаҕын!»

2 Фессалоника христианнарыгар 3:16

Эйэ-ил Айыы Тойоно Бэйэтинэн эһиэхэ өрүүтүн туохха барытыгар эйэни биэриэхтин. Айыы Тойон эһигини барыгытын кытта бииргэ буолуохтун!

1 Тимофейга 6:2

Итэҕэйэр тойоттордоох кулуттар биир итэҕэллээхтэрбит эрэ диэн тойотторугар аанньа ахтыбаттык сыһыаннаһыа суохтаахтар; төттөрүтүн, итэҕэйээччилэргэ, Таҥара таптыыр дьонугар, туһалыыбыт диэн, өссө ордук кыһаллан туһалыахтаахтар. Маны үөрэтэр, маны өйдөтөр буол.

2 Тимофейга 4:22

Айыы Тойон Иисус Христос эйигинниин бииргэ буолуохтун. Таҥара илгэлээх үтүөтэ эһигинниин эҥээрдэһиэхтин. Аминь.

Руфь 2:3

Руфь бурдук быһааччылары батыһа сылдьан, кинилэр түһэрбит куоластарын хомуйбута. Бааһына Елимелех аҕатын ууһуттан төрүттээх Вооз киэнэ буолан биэрбитэ.

Руфь 2:5

Вооз бурдук быһааччылары салайар үлэһититтэн: «Ити хайаларын эдэр кыыһа сылдьарый?» – диэн ыйыппыта.

Руфь 4:11

Куорат аанынааҕы болуоссакка баар дьон уонна аҕа баһылыктар: «Биһиги туоһу буолабыт! – диэн хардарбыттара. – АЙЫЫ ТОЙОН эн дьиэҕэр киллэрэр ойоххун Израиль дьиэтин-уотун тэрийсибит Рахиллаах Лияҕа холоонноох оҥордун! Ефрафа аҕатын ууһугар байан-тайан олор, Вифлеем үрдүнэн албан аатыр, суон сураҕыр!