Матфей 7:7 - Сибэтиэй Биибилийэ кинигэлэрэ

⁷ Көрдөһүҥ, оччоҕо эһиэхэ бэриллиэҕэ; көрдөөҥ, оччоҕо булуоххут; тоҥсуйуҥ, оччоҕо эһиэхэ ааны аһыахтара.

Матфей 7:7 ပူးပေါင်းရင်းမြစ်များ

Саалтыр 10:4

Айыы Тойон сибэтиэй Храмыгар баар; Айыы Тойон бүрүстүөлэ халлааҥҥа турар. Кини хараҕа барытын араарар, Кини киһи аймаҕы чинчилии анаарар.

Саалтыр 27:8

Айыы Тойон – Бэйэтин норуотун күүһэ-күдэҕэ, анаабыт ыраахтааҕытын өрүһүлтэлээх тирэҕэ.

Саалтыр 34:4

Саакка-суукка киирэн сурахтара суйданнын мин дууһабар турунааччылар. Атахха биллэрэн ааттара алдьаннын миигин утары куһаҕаҥҥа куомуннаһааччылар.

Саалтыр 37:4

Эн уордайаҥҥын, эппэр өлүөр сирим орпото, аньыым-харам таарыйан, уҥуохтарым кыйытталлар.

Саалтыр 50:15

Сокуона суохтары Эн суолгар мин үөрэтиэм, оччоҕо аньыылаахтар Эйиэхэ эргиллиэхтэрэ.

Саалтыр 70:4

Айыы Таҥарам, өрүһүй хара дьайдаах илиититтэн, суута-сокуона суохтартан, күөмчүлээччиттэн.

Саалтыр 86:5

Оттон Сион туһунан этиэхтэрэ: «Ол да, бу да киһи сибэтиэй хайаҕа төрөөбүттэрэ; Үрдүктэн Үрдүк Сиону Бэйэтинэн бөҕөргөппүтэ».

Аман өһө 8:17

Миигин таптыыр киһини мин эмиэ таптыыбын; ким миигин дьулуһан туран көрдүүр, ол булуоҕа.

Матфей 18:19

Эһиэхэ өссө төгүл этэбин: өскөтүн эһигиттэн икки киһи бу сир үрдүгэр сүбэнэн тугу эмэ көрдөһөн үҥэр буоллаҕына, Халлааннааҕы Аҕам кинилэргэ тугу көрдөспүттэрин биэриэҕэ.

Матфей 21:22

Ол курдук эһиги, итэҕэйэн туран көрдөстөххүтүнэ, көрдөспүккүтүн барытын ылыаххыт».

Матфей 6:33

Туох-ханнык иннинэ эһиги Таҥара Саарыстыбатыгар, Кини кырдьыгар дьулуһуҥ, оччоҕо ити барыта эһиэхэ бэриллиэҕэ.

Матфей 7:11

Бэл эһиги, мөкү дьон, оҕолоргутугар үтүө бэлэҕи биэрэри сатыыр буоллаххытына, Халлааннааҕы Аҕаҕыт Киниттэн көрдөһөөччүлэргэ өссө ордук өлгөм үтүөнү биэриэҕэ.

Матфей 7:8

Көрдөһөөччү ылар, көрдөөччү булар, оттон тоҥсуйааччыга аан аһыллар.

Марк 11:24

Ол иһин эһиэхэ этэбин: Таҥараҕа үҥэргитигэр, тугу да көрдөспүккүт иһин, ылыахпыт диэн итэҕэйэн туран көрдөһүҥ, оччоҕо көрдөспүккүт барыта эһиэхэ бэриллиэҕэ.

Лука 13:25

Дьиэлээх хаһаайын туран аанын хатаабытын кэннэ, эһиги таһырдьа туран, дьиэ аанын тоҥсуйа-тоҥсуйа: „Тойоммуот! Тойоммуот! Биһиэхэ ас!“ – дэһиэххит, оччоҕо Кини эһиэхэ: „Эһиги хантан кэлбиккитин билбэппин“, – диэҕэ.

Лука 18:1

Онтон Иисус кинилэргэ Таҥараҕа өрүүтүн үҥэ сылдьыахтаахтарын, санааларын түһэриэ суохтаахтарын туһунан домоҕу кэпсээбитэ:

Иоанн 15:16

Миигин эһиги талбатаххыт – Мин Бэйэм эһигини талан ылбытым; баран туһаны аҕаларгыт, ол туһаҕыт үйэлэргэ барарын туһугар, итиэннэ Мин ааппын ааттаан туран Аҕабыттан тугу баҕарар көрдөстөххүтүнэ, Кини ону биэрэрин туһугар, Мин эһигини туруорбутум.

Иоанн 15:7

Оттон Миэхэ буоллаххытына, Мин этэр тылбын сүрэххитигэр иҥэриннэххитинэ, эһиги тугу баҕараргытын көрдөһүҥ – ол барыта эһиэхэ бэриллиэҕэ.

Иоанн 4:10

Иисус эппитэ: «Таҥара тугу бэлэхтиирин, Ким эйиэхэ уугуттан иһэрт диирин билэриҥ эбитэ буоллар, Киниттэн бэйэҥ көрдөһүөҥ этэ, оччоҕо Кини эйиэхэ өлбөт мэҥэ уутун биэриэ этэ».

Рим христианнарыгар 2:7

өрүүтүн үтүөнү оҥорон Таҥараттан дьиҥнээх албан ааты, үрдүк чиэһи, өлбөт үйэни ыларга дьулуспуттары бараммат олоххо тиксэриэҕэ,

Рим христианнарыгар 3:11

өйдөөх киһи мэлигир, Таҥараҕа ким да кыһаллыбат;

Еврейдэргэ 11:6

Итэҕэйбэт киһи Таҥараҕа хайдах да сөпсөтөр кыаҕа суох. Таҥараҕа кэлэр киһи Кини баарын, Кинини көрдөөччүлэргэ үтүөнэн төлүүрүн итэҕэйиэхтээх.

Иаков 5:15

Итэҕэл үҥүүтэ ыарыһаҕы үтүөрдүө, Айыы Тойон кинини сүһүөҕэр туруоруо; аньыыны-буруйу оҥорбут буоллаҕына, ол аньыыта бырастыы буолуо.

1 Иоанн 3:22

уонна Кини кэриэстэрин тутуһар, сөбүлүүрүн оҥорор буоламмыт, тугу баҕарар көрдөһөн, Киниттэн ылабыт.