Матфей 7:25 - Сибэтиэй Биибилийэ кинигэлэрэ

²⁵ Ардах курулаччы кутан, өрүстэр хааларыттан тахсан, күүстээх тыал тоҕута үрэн, бу дьиэҕэ саба түһүөхтэрэ, ол гынан баран тааска бигэтик турар дьиэни суулларыахтара суоҕа.

Матфей 7:25 ပူးပေါင်းရင်းမြစ်များ

Аман өһө 10:25

Күүстээх силлиэ түһүө да, сидьиҥнэри имири сотуоҕа, оттон кырдьыксыт үйэ-саас тухары тулхадыйыа суоҕа.

Матфей 16:18

Ол иһин Мин эйиэхэ этэбин: Эн – Петргын, онон бу таас үрдүгэр Мин Сиэркэппин туруоруом, оччоҕуна үтүгэн түгэҕин да күүстэрэ кинини хотуохтара суоҕа.

Матфей 7:24

Онон, Мин бу этэр тылбын истэн баран толорор киһини дьиэтин таас акылааттаан туттубут өйдөөх киһи диэҕим.

Матфей 7:26

Оттон Мин бу этэр тылбын истэр эрээри, толорбот киһи – ол дьиэтин кумах үрдүгэр туттубут толкуйа суох киһи курдук буолуо.

Матфей 7:27

Ардах курулаччы кутан, өрүстэр хааларыттан тахсан, күүстээх тыал тоҕута үрэн бу дьиэҕэ саба түһүөхтэрэ да, дьиэ сууллан, урусхал буолуо».

Апостоллар 14:22

суолларын былаһын тухары үөрэнээччилэр санааларын бөҕөргөтө, итэҕэллэрин ыһыктыбаттарыгар такайа, «Таҥара Саарыстыбатыгар биһиги элбэх эрэйи көрсөн киириэхтээхпит» диэн үөрэтэ испиттэрэ;

Эфес христианнарыгар 3:17

Христос итэҕэл аанынан киирэн сүрэххитигэр олохсуйарын, эһиги тапталтан силис тардан, тапталга тирэҕирэн,

Иаков 1:12

Аньыыга анньар моһоллору тулуурдаахтык туораабыт киһи алгыстаах: оннук киһи тургутууну тулуйан баран, Айыы Тойон Кинини таптыыр дьоҥҥо биэриэх буолан эрэннэрбит олоҕун мэнньиэһин ылыаҕа.

1 Петр 1:7

Уотунан ыраастаннар даҕаны, син биир кэбириир-алдьанар хайа да кыһыл көмүстээҕэр эһиги тургутууну ааспыт итэҕэлгит ордук күндү буолан тахсыахтаах. Оччоҕо эһиги Иисус Христос кэлэр Күнүгэр Кини хайҕалын ылыаххыт, үрдүк чиэскэ, албан аакка тиксиэххит.

1 Иоанн 2:19

Кинилэр бэйэбит ортобутуттан тахсыбыттара эрээри, биһиэннэрэ буолбатах этилэр: биһиэннэрэ эбиттэрэ буоллар, биһигини кытта хаалыа этилэр, онон, бараннар, биһиэннэрэ буолбатахтара көстөн тахсыбыта.