Матфей 5:8 - Сибэтиэй Биибилийэ кинигэлэрэ

⁸ Ыраас сүрэхтээхтэр алгыстаахтар: кинилэр Таҥараны көрүөхтэрэ.

Матфей 5:8 ပူးပေါင်းရင်းမြစ်များ

Саалтыр 15:2

Айыы Тойоҥҥо этэбин: «Эн буолаҕын мин Айыы Тойонум, Эйигиттэн тэйэ сылдьан, туох да үчүгэйи көрбөппүн».

Саалтыр 24:4

Ыйан биэр миэхэ, Айыы Тойон, Бэйэҥ суолларгын, үөрэт Эн ыллыктаргынан сылдьарга.

Саалтыр 51:10

Оттон мин Таҥара Дьиэтигэр көҕөрө чэлгийэр маслина маһын кэриэтэбин; Таҥара бигэ тапталыгар мин эрэнэбин үйэттэн үйэлэр тухары.

Саалтыр 51:6

Сүлүһүннээх тыллары эн сөбүлүүгүн, көлдьүн тыллаах.

Саалтыр 73:1

Асаф үөрэтиитэ. Оо, Таҥара, тоҕо Эн биһигини букатын хааллардыҥ? Тоҕо Бэйэҥ мэччирэҥиҥ барааннарыгар уордайдыҥ?

Аман өһө 22:11

Ыраас сүрэхтээх, үтүө тыллаах-өстөөх киһини ыраахтааҕы доҕор оҥостуоҕа.

Апостоллар 15:9

Сүрэхтэрин итэҕэлинэн ыраастаабыт буолан, кинилэри да, биһигини да туох да диэн араарбатаҕа.

1 Коринф христианнарыгар 13:12

Билиҥҥитэ биһиги өлбөөркөй өстүөкүлэҕэ көстөр күлүк омоонун эрэ үдүк-бадык көрөбүт, оттон кэмэ кэллэҕинэ, сирэй көрсөн турардыы көрүөхпүт; билиҥҥитэ сорҕотун эрэ мин билэбин, оттон кэмэ кэллэҕинэ, Таҥара миигин билэрин курдук, толору билиэҕим.

2 Коринф христианнарыгар 7:1

Онон, таптыыр бырааттарым, биһиги, маннык эрэннэриини истибит дьон, эппитин-сииммитин, дууһабытын киртитэр бары куһаҕантан ыраастанан, Таҥараттан толлон тураммыт, сибэтиэй олохтонуоҕуҥ.

Титкэ 1:15

Ыраас дьон санаатыгар туох барыта ыраас, оттон буорту буолбут, итэҕэлэ суох дьоҥҥо, өйдөрө-суобастара кирдээх буолан, ыраас диэн туох да суох.

Еврейдэргэ 10:22

истиҥ сүрэхтэнэн, толору итэҕэллэнэн, сүрэхпитин суобаспыт кириттэн ыраастанан, эппитин-сииммитин ыраас уунан суунан Таҥараҕа чугаһыаҕыҥ;

Еврейдэргэ 12:14

Дьону барытын кытта эйэ-дэмнээх буоларга, сибэтиэй олохтонорго кыһаллыҥ; сибэтиэй олохтоммокко сылдьан, ким да Айыы Тойону көрүө суоҕа.

Еврейдэргэ 9:14

Бэйэтин эҥкилэ суох сиэртибэ быһыытынан Таҥараҕа Сибэтиэй Тыынынан бэриммит Христос Хаана хайдахтаах күүстээх буолуой! Биһиги дьиҥнээх, тыыннаах Таҥараҕа сулууспалыырбыт туһугар, Кини Хаана биһиги суобаспытын өлүүгэ тиэрдэр дьайыылартан ыраастыаҕа.

Иаков 3:17

Оттон үөһэттэн түһэр муударас, бастатан туран, ыраас, ол кэннэ эйэ дэмнээх, сэмэй, истигэн, өрүүтүн амарах, өрүүтүн үтүөнү оҥорор, кырдьыгы тутуһар, истиҥ-иһирэх буолар.

Иаков 4:8

Таҥараҕа чугаһааҥ, оччоҕо Таҥара эһиэхэ эмиэ чугаһыа. Аньыылаахтар, илиигитин ыраастаныҥ, халбаҥнааччылар, сүрэххитин көннөрүнүҥ.

1 Петр 1:22

Онон, бырааттарыам, кырдьыкка Тыын көмөтүнэн истигэн буолан, дууһаҕытын ыраастанан, бырааттыы дьоҥҥутун өрүү ыраас ис сүрэххититтэн таптааҥ.

Арыллыы 22:4

Кинилэр Таҥара сирэйин көрүөхтэрэ, Таҥара аата сүүстэригэр суруллан сылдьыаҕа.