Матфей 23:5 - Сибэтиэй Биибилийэ кинигэлэрэ

⁵ Тугу эмэ гынар да буоллахтарына, ону барытын дьон көрөрүгэр эрэ оҥороллор; ол иһин сүүстэригэр, илиилэригэр бааныылара улам кэтирээн, таҥастарын бытырыыһа атыттардааҕар уһаан иһэр;

Матфей 23:5 ပူးပေါင်းရင်းမြစ်များ

Аман өһө 3:3

Бигэ тапталы, кырдьыгы бэйэҕиттэн тэйитимэ: кылдьыы киэргэл курдук моонньугар кэтэ сырыт, сүрэҕиҥ ньууругар сурунан кэбис,

Матфей 9:20

Аара баран истэҕинэ, биир уон икки сыл устата хаана баран ыалдьыбыт дьахтар, Кинини, кэнниттэн кэлэн, таҥаһын таарыйбыта.

Лука 16:15

Иисус эппитэ: «Дьоҥҥо-сэргэҕэ кырдьыксыт дьон курдук көстүөххүтүн баҕараҕыт эрээри, Таҥара эһиги сүрэххитин билэр. Дьон тугу үрдүк диирин Таҥара мөкү диир.

Лука 20:47

кинилэр огдооболор дьиэлэрин хорон сииллэрин, дьон көрөрүгэр өр үҥэллэрин иһин, саамай ыар буруйга тиксиэхтэрэ».

Иоанн 12:43

Кинилэр Таҥара хайҕалынааҕар дьон хайҕалын ордорбуттара.

Иоанн 5:44

Бэйэ-бэйэҕититтэн хайҕал ылсар, оттон Таҥараттан хайҕал ыларга дьулуспат буоллаххытына, эһиги хайдах итэҕэйэр кыахтаныаххытый?

Иоанн 7:18

Бэйэтин аатыттан үөрэтэр киһи бэйэтигэр албан ааты ситиһэ сатыыр, оттон ким Кинини Ыыппыты албан аатырдыан баҕарар, ол дьиҥ кырдьыктаах, Кини сымыйалаабат.

Филиппы христианнарыгар 1:15

Чахчытын эттэххэ, сорох-сорохтор Христос туһунан ыраас сүрэхтэриттэн буолбакка, илин былдьаһар, мөккүһэр кэтэх санааларыттан үөрэтэн, мин хандалыбын өссө ыаратан биэриэхтэрин баҕараллар. Атыттар дьиҥ үтүө санааларыттан,

Филиппы христианнарыгар 2:3

Тугу даҕаны илин былдьаһар, бэрдимсийэр санааттан оҥорумаҥ, сэмэй буолуҥ, бэйэ-бэйэҕитин үрдүктүк санааҥ;

2 Фессалоника христианнарыгар 2:4

Ол туохтан да, Таҥараттан да, бары сибэтиэйтэн-ытыктан да үрдүктүк туттар, утарылаһар киһи кэлэн, Таҥарабын диэн, Таҥара курдук Кини Дьиэтигэр киирэн олоруоҕа.