Матфей 13:36 - Сибэтиэй Биибилийэ кинигэлэрэ

³⁶ Онтон Иисус дьону ыытан баран, дьиэҕэ киирбитигэр үөрэнээччилэрэ Киниэхэ кэлэн: «Сыыс от туһунан домоҕу биһиэхэ быһааран биэр эрэ», – диэн көрдөспүттэрэ.

Матфей 13:36 ပူးပေါင်းရင်းမြစ်များ

Матфей 13:1

Ол күн Иисус дьиэттэн тахсан муора кытылыгар киирэн олорбута.

Матфей 13:11

Иисус эппитэ: «Эһиэхэ Халлаан Саарыстыбатын кистэлэҥнэрин билэр кыах бэриллибитэ, оттон кинилэргэ бэриллибэтэҕэ.

Матфей 13:18

Аны билигин бурдук ыһааччы туһунан домох суолтатын истиҥ:

Матфей 13:25

Түүн, бары утуйа сыттахтарына, кини өстөөҕө кэлэн сэлиэһинэй быыһыгар сыыс оту ыһан барбыт.

Матфей 14:22

Сонно Иисус үөрэнээччилэрин оҥочоҕо олордон баран, Бэйэтэ дьону тарҕатыар диэри, уҥуоргу кытылга туоруулларыгар соруйбута.

Матфей 15:39

Онтон дьону ыыталаан баран, Иисус оҥочоҕо олорон, Магдала сиригэр устубута.

Матфей 9:28

Дьиэҕэ киирбитигэр хараҕа суохтар Киниэхэ чугаһаан кэлбиттэрэ. «Эһиги Миигин үтүөрдэр кыахтаах диэн итэҕэйэҕит дуо?» – Иисус кинилэртэн ыйыппыта. «Итэҕэйэн, Тойоммуот!» – дэспиттэрэ иккиэн.

Марк 4:34

Домоҕо суох кинилэргэ тугу да эппэт этэ, оттон үөрэнээччилэригэр, бэйэлэрэ эрэ хааллахтарына, барытын туспа быһааран биэрэрэ.

Марк 6:45

Сонно, Иисус дьону ыыталыыр кэмигэр, үөрэнээччилэрин оҥочоҕо олордон муора уҥуор баар Вифсаидаҕа ыыппыта.

Марк 7:17

Иисус мустубут дьону хаалларан, дьиэҕэ киирбитигэр үөрэнээччилэрэ Киниттэн ити домох суолтатын ыйыппыттара.

Марк 8:9

Манна барыта түөрт тыһыынча кэриҥэ киһи аһаабыта. Онтон Кини дьону дьиэлэригэр ыыталаат,