Матфей 11:20 - Сибэтиэй Биибилийэ кинигэлэрэ

²⁰ Онтон Иисус ханнааҕар да ордук элбэх дьиктини оҥорбутун үрдүнэн аньыыларын билиммэтэх куораттар олохтоохторун хомуруйбута:

Матфей 11:20 ပူးပေါင်းရင်းမြစ်များ

Матфей 12:41

Ниневия дьоно Дьүүл Күнүгэр бу көлүөнэни кытта бииргэ туран кэлэн, кинини буруйдуохтара: кинилэр Иона ыҥырарын истэн аньыыларын билиммиттэрэ, оттон манна Ионатааҕар улахан баар.

Марк 16:14

Кэлин Иисус уон биир үөрэнээччигэ барыларыгар аһыы олордохторуна көстөн кэлэн, итэҕэлэ суохтарын, тыйыс сүрэхтээхтэрин, Кини тиллибитин көрбүттэри итэҕэйбэтэхтэрин иһин, хомуруйбута.

Марк 9:19

«Оо, итэҕэлэ суох көлүөнэ! – диэбитэ Иисус кинилэргэ. – Хаһааҥҥа диэри эһигини кытта сылдьабын? Хаһааҥҥа диэри эһигини тулуйабын? Кинини Миэхэ аҕалыҥ».

Апостоллар 17:20

Туох эрэ бэрт дьиктини иһитиннэрэҕин ээ. Бу тугун-ханныгын билиэхпитин баҕарабыт».

2 Коринф христианнарыгар 12:21

арай эһиэхэ тиийэн кэллэхпинэ, Таҥарам миигин эһигиттэн сылтаан эмиэ сүөм түһэрдин, харыс хааллардын? Оччоҕо урукку аньыыларын – кирдээхтик, содурдук, сиэрэ суох нэгэйдик быһыыланалларын билинэн кэмсиммэтэх үгүс дьону аһыйан хараҕым уутунан суунарга күһэллиэм.

Иаков 1:5

Өскөтүн эһигиттэн хайаҕыт эмэ муудараһа тиийбэт буоллаҕына, ону кини Таҥараттан көрдөстүн, оччоҕо барыларыгар дьэллэмник, сэмэтэ-суҥхата суох биэрэр Таҥара киниэхэ муударай өйү биэриэҕэ.

Арыллыы 16:11

Сору көрөн, баастарын ыарыыта бэрдиттэн халлааҥҥа баар Таҥараны үөхпүттэрэ-таныйбыттара, оттон оҥорбут аньыыларын-хараларын кэмсиммэтэхтэрэ.

Арыллыы 16:9

Сыралҕан куйаас сырайан, дьон бу алдьархайы ааҥнатар былаастаах Таҥара аатын холуннаран-баһааҕырдан барбыттара. Ол тухары хайалара даҕаны аньыытын-харатын билинэн кэмсиммэтэҕэ, Таҥараны айхаллаабатаҕа.

Арыллыы 2:21

Содур быһыытын билинэригэр бириэмэ биэрбитим үрдүнэн, билиммэтэ.