Матфей 11:1 - Сибэтиэй Биибилийэ кинигэлэрэ

¹ Иисус уон икки үөрэнээччитигэр итинник ыйыы-кэрдии биэрэн баран, Таҥара тылын үөрэтэ, иһитиннэрэ чугас эргиннээҕи куораттарынан барбыта.

Матфей 11:1 ပူးပေါင်းရင်းမြစ်များ

Матфей 28:20

эһиэхэ тугу соруйбуппун барытын толорорго үөрэтиҥ. Оттон Мин, үйэ бараныар диэри, өрүү эһигинниин бииргэ буолуом». Аминь.

Матфей 4:23

Иисус Галилеяны бүтүннүүтүн кэрийбитэ: синагогаларыгар үөрэтэрэ, Саарыстыба Евангелиетын иһитиннэрэрэ уонна араас ыарыыттан, кыаммат буолууттан үтүөрдэрэ.

Матфей 7:28

Иисус этэр тылын түмүктээбитигэр норуот Кини үөрэҕин сөхпүтэ-махтайбыта:

Матфей 9:35

Иисус бары куораттары, дэриэбинэлэри кэрийэ сылдьан, синагогаларга үөрэтэрэ, Саарыстыба Евангелиетын иһитиннэрэрэ, бары ыарыыттан-сүтүүттэн, кыаммат буолууттан үтүөрдүтэлиирэ.

Марк 6:12

Кинилэр баран дьону аньыыны билинэргэ ыҥырбыттара,

Лука 23:5

Оттон кинилэр биири этэ турбуттара: «Кини бүтүн Иудея устун үөрэтэн, Галилеяттан маныаха диэри норуоту иирдэр».

Лука 8:1

Бу кэнниттэн Иисус Таҥара Саарыстыбатын Евангелиетын иһитиннэрэ куораттарынан, дэриэбинэлэринэн барбыта. Уон икки үөрэнээччитэ Иисуһу кытта бииргэ сылдьаллара;

Иоанн 15:10

Мин Аҕам ыйбытын толороммун Кини тапталыгар олорорум курдук, эһиги эмиэ Мин ыйбыппын толордоххутуна, Мин тапталбар олоруоххут.

Иоанн 15:14

Эһиги Мин кэриэспин толорор буоллаххытына, Миэхэ доҕотторум буолаҕыт.

Апостоллар 10:42

Уонна Кини тыыннаахтары да, өлбүттэри да дьүүллүүргэ анаабыт Судьуйата Иисус буоларын дьоҥҥо иһитиннэрэрбитигэр, туоһулуурбутугар соруйбута.

1 Фессалоника христианнарыгар 4:2

Биһиги Айыы Тойон Иисустан ылан ханнык кэриэстэри эһиэхэ тиэрдибиппитин билэҕит.

2 Фессалоника христианнарыгар 3:10

Урут эһиэхэ да сылдьан этэрбит, билигин да этэбит: ким үлэлиэн баҕарбат – аһаабатын.

2 Фессалоника христианнарыгар 3:6

Бырааттарым, эһигини Айыы Тойон Иисус Христос аатыттан модьуйабыт: най баран иллэҥ сылдьар, биһигиттэн ылыммыт үөрэхтэрин тутуспат бырааттартан тэйэ туттуҥ.

1 Тимофейга 6:14

бу кэриэс тылы Айыы Тойоммут Иисус Христос кэлэр күнүгэр диэри эҥкилэ суох, сэмэҕэ-суҥхаҕа дьиэк биэрбэккэ, тутуһар буол.