Лука 6:45 - Сибэтиэй Биибилийэ кинигэлэрэ

⁴⁵ Үтүө киһи сүрэҕин үтүө баайыттан үтүөнү таһаарар, мөкү киһи сүрэҕин мөкү баайыттан мөкүнү таһаарар: киһи сүрэҕэ тугунан туолбута уоһунан тахсар.

Лука 6:45 ပူးပေါင်းရင်းမြစ်များ

Саалтыр 140:5

Кырдьыксыт миигин төһө да дьарыйдын, үтүө санаатыттан төһө да көннөрдүн: ол мин төбөбөр бастыҥ елей арыыта буолуоҕа, онтон мин аккаастаныам суоҕа. Кинилэр хара дьайыылара эрэ тохтуохтун, ол туһугар мин үҥэбин куруутун.

Саалтыр 59:12

Эн буолбатах дуо, биһигиттэн аккаастаммыт, биһиги сэриилэрбитин кытта барсыбат буолбут Таҥара?

Саалтыр 59:7

Эн таптыыр дьонуҥ быыһаналларын туһугар, уҥа илиигинэн кинилэргэ кыайыыны бэлэхтээ уонна биһиэхэ хардар.

Аман өһө 12:18

Ардыгар, кураанах куолу да болоттуу бааһырдар, оттон муударай тыл өрүү үтүөрдэр.

Аман өһө 15:23

Бэргэн хардаҥ бэйэҕин үөрдэр; үчүгэй да буоллаҕа кэмигэр этиллибит үтүөкэн тыл!

Аман өһө 4:23

Ханнык да күндү кылааттааҕар сүрэххин харыстаа, олоҕуҥ дьүүктэтэ сүрэххиттэн сүүрдэр эбээт.

Иоанн 7:38

Миигин итэҕэйэр киһи сүрэҕиттэн, Суруйууларга этиллэринии, өлбөт мэҥэ уутун өрүстэрэ сүүрүгүрдүөхтэрэ».

Апостоллар 5:3

Онуоха Петр эппитэ: «Анания! Эн, бу хайдах сатанаҕа бэринэн, Сибэтиэй Тыыҥҥа сымыйалыыгын, сириҥ атыытыттан сороҕун кистиигин?

Эфес христианнарыгар 3:8

Бу илгэлээх үтүө бэлэх, сибэтиэйдэртэн саамай кыраларыгар, миэхэ, Христос хайдахтаах курдук баайын атын норуоттарга иһитиннэрэрим,

Эфес христианнарыгар 4:29

Ханнык да сүөргү тылы саҥарбат буолуҥ, истээччилэргитигэр илгэлээх үтүөнү иҥэрэр туһугар, кинилэр итэҕэллэрин бөҕөргөтөр үтүө тыллаах-өстөөх буолуҥ.

Эфес христианнарыгар 5:19

Бэйэ-бэйэҕитин псаломнарынан, айхал ырыаларынан, духуобунай гимнэринэн бөҕөргөтүһүҥ, ис сүрэххититтэн ыллаан Айыы Тойону айхаллааҥ;

Колосс христианнарыгар 3:16

Христос тыла бары муудараһы кытта бииргэ эһиги сүрэххитигэр өлгөмнүк олохсуйуохтун; псаломнары, айхал ырыаларын, духуобунай гимнэри Айыы Тойоҥҥо ис сүрэххититтэн махтанан туран ыллаан-туойан, бэйэ-бэйэҕитин үөрэтиһэр-өйдөтүһэр буолуҥ.

Колосс христианнарыгар 4:6

Хас биирдии киһиэхэ хайдах хоруйдууру билэр туһугар, этэр тылгыт өрүүтүн ис киирбэх, бэргэн буоллун.

Еврейдэргэ 8:10

Ол кэнниттэн Израиль норуотун кытта оҥорсор сөбүлэһиим бу баар, – диир Кини: – Сокуоннарбын өйдөрүгэр-санааларыгар иҥэриэҕим, сүрэхтэригэр-быардарыгар суруйуоҕум; Мин кинилэр Таҥаралара буолуоҕум, кинилэр Мин норуотум буолуохтара.

Иуда 1:15

Айыы Тойон тиийэн кэлэн, барыларын дьүүллүөҕэ, итиэннэ кинилэр ортолоругар баар суута-сокуона суох быһыыланааччылар Таҥараны билиммэккэ тугу быһыыламмыттарын, Кинини билиммэт аньыылаахтар туох дьэбир тылынан утаран саҥарбыттарын бүтүннүүтүн саралыаҕа!»