Лука 6:26 - Сибэтиэй Биибилийэ кинигэлэрэ

²⁶ Сор-муҥ күүтэр эһигини – дьоҥҥо барытыгар хайҕатар буоллаххытына! Кинилэр аҕалара сымыйа пророктары эмиэ арбаабыттара.

Лука 6:26 ပူးပေါင်းရင်းမြစ်များ

Аман өһө 27:21

Үрүҥ көмүһү – тиигэл, кыһыл көмүһү – кыһа, оттон киһини хайҕал тургутар.

Матфей 7:15

Бараан тириитин бүрүнэн кэлэр торҕон бөрөлөртөн – сымыйа пророктартан – сэрэниҥ.

Лука 6:25

Сор-муҥ күүтэр билигин топпуттары – эһиги аччыктыаххыт! Сор-муҥ күүтэр билигин күлээччилэри – эһиги ытыаххыт-соҥуоххут!

Иоанн 15:19

Эһиги бу дойду эбиккит буоллар, кини бэйэтин дьонун таптыа этэ; бу дойду буолбатаххыт иһин, мантан эһигини Мин талан ылбытым иһин, кини эһигини абааһы көрөр.

Иоанн 7:7

Бу дойду эһигини абааһы көрүөн сатаммат, оттон Миигин, кини дьайыылара мөкүтүн туоһулуурум иһин, абааһы көрөр.

Рим христианнарыгар 16:18

Оннуктар Айыы Тойоммутугар Иисус Христоска буолбакка, куртахтарыгар кулут буолаллар, өс-киирбэх дьон сүрэҕин ньуолбар саҥаларынан, уран тылларынан сүүйэллэр.

Иаков 4:4

Оо, содурдар! Бу аньыылаах дойдулуун доҕордоһуу Таҥараҕа өстөнүү буоларын билбэт үһүгүт дуо? Онон, ким бу аньыылаах дойдуну кытта доҕордоһуон баҕарар, ол Таҥараҕа өстөөх буолар.