Лука 22:36 - Сибэтиэй Биибилийэ кинигэлэрэ

³⁶ Иисус эппитэ: «Оттон билигин ким кумааһынньыктаах – онтун угуннун, матаҕатын эмиэ ыллын; оттон ким онтуката суох, ол сонун атыылаан батас атыыластын.

Лука 22:36 ပူးပေါင်းရင်းမြစ်များ

Матфей 10:10

суолга матаҕаны да, икки суол уларыттар таҥаһы да, атах таҥаһын да, тайах маһы да ылымаҥ – үлэһит киһи айаҕын булунар.

Лука 22:35

Онтон үөрэнээччилэригэр эппитэ: «Мин эһигини кумааһынньыга да, матаҕата да, атах таҥаһа да суох ыыппыппар эһиги туох эмэ кыһалҕаҕа ыллара сылдьыбыккыт дуо?» «Суох, туох да кыһалҕаны билбэтэхпит», – дэспиттэрэ.

Лука 22:37

Эһиэхэ этэбин: Суруйууларга „Кинини хара дьайдаахтарга тэҥнээбиттэрэ“ диэн Мин туспунан этиллибит туолуох тустаах. Мин туспунан суруллубута барыта туолан эрэр».

Лука 22:38

Кинилэр эппиттэрэ: «Тойоммуот, манна икки батас баар». «Сөп буолуо», – диэбитэ Иисус.

Иоанн 15:20

Кулут тойонуттан улахан буолбат диэн эппиппин өйдүү сылдьыҥ. Миигин сойуоласпыт буоллахтарына, эһигини эмиэ сойуолаһыахтара; Мин тылбын толорбут буоллахтарына, эһиги тылгытын эмиэ толоруохтара.

Иоанн 16:33

Маны Мин эһиэхэ, эһиги Миигинниин биир буолан, эйэҕэ тиксэргит туһугар, эттим. Бу дойдуга эһиги эрэйи көрүөххүт, ол эрээри эрдийиҥ: Мин бу аан дойдуну баһыйдым».

1 Фессалоника христианнарыгар 3:4

Урут эһигинниин да сылдьан эрэйи-муҥу көрүөхтээхпит диэн эрдэттэн сэрэтэр этибит; ол эппиппит, билэргит курдук, бу туолла.

1 Петр 4:1

Онон, Христос биһиги туспутугар этинэн-хаанынан эрэйдэммитин курдук, эһиги эмиэ соннук санаанан сэбилэниэхтээххит. Этэ-хаана эрэйдэнэр киһи сиргэ олороро хаалбыт кэмин имэҥ кыдьыгар биэрбэккэ, Таҥара ыйарынан олоруохтаах, аньыыны оҥорорун тохтотуохтаах.