Лука 20:24 - Сибэтиэй Биибилийэ кинигэлэрэ

²⁴ «Миигин тоҕо үтэн-анньан көрөҕүт? Динарийда Миэхэ көрдөрүҥ: бу ким мөссүөнэ, ким суруга баарый?» «Рим ыраахтааҕытын киэнэ», – дэспиттэрэ.

Лука 20:24 ပူးပေါင်းရင်းမြစ်များ

Матфей 18:28

Чаҕар баран иһэн, киниттэн баара-суоҕа сүүс үрүҥ көмүс манньыаты иэс ылбыт киһи иһэрин көрөн, тутан ылан хабарҕатыгар түспүт уонна: „Иэспин төлүү оҕус“, – дии-дии ыкпыт-түүрбүт.

Матфей 20:2

Хас да киһини кэпсэтэн, күҥҥэ кинилэргэ биирдии динарийы төлүөх буолан, винограднигар үлэлэтэ ыыппыт.

Матфей 22:20

«Бу ким мөссүөнэй, ким аатай?» – Иисус ыйыппыта.

Марк 12:16

Манньыат аҕалан биэрбиттэригэр: «Бу ким мөссүөнэ, ким суруга сылдьарый?» – диэн ыйыппыта. «Ыраахтааҕы киэнэ», – дэспиттэрэ.

Лука 2:1

Ол саҕана Август император сир-уот устунан биэрэпис оҥорторор уурааҕа тахсыбыта.

Лука 20:22

Биһиги ыраахтааҕыга түһээн төлүүрбүт көҥүллэнэр дуу, суох дуу?»

Лука 20:23

Иисус, кинилэр кубулуналларын билэн, эппитэ:

Лука 20:25

«Оннук буоллаҕына, ыраахтааҕы киэнин ыраахтааҕыга, Таҥара киэнин Таҥараҕа биэриҥ», – диэбитэ Иисус.

Лука 23:2

буруйдаан барбыттара: «Биһиги Кини буруйун арыйдыбыт: Бэйэтин Христос Ыраахтааҕыбын дэнэн норуоппутун иирдэр, император түһээнин төлөөмөҥ диир».

Лука 3:1

Тиверий императордаабытын уон бэһис сылыгар, Понтий Пилат Иудея баһылыга эрдэҕинэ, Ирод Галилеяҕа, кини быраата Филипп Итуреяҕа уонна Трахония уобалаһыгар, оттон Лисаний Авилинеяҕа баһылык буолан олордохторуна,

Апостоллар 11:28

Олортон биирдэстэрэ, Агав диэн ааттаах киһи, туран, Сибэтиэй Тыын күүһүнэн өтө көрөн, аан дойду үрдүнэн улуу сут буолуохтааҕын эппитэ (ол сут Клавдий император саҕана кэлбитэ).

Апостоллар 26:32

Агриппа Фесткэ эппитэ: «Императорга тиийэр санаалааҕын биллэрбэтэҕэ эбитэ буоллар, кинини күн бүгүн да босхолуохха сөп эбит».

Филиппы христианнарыгар 4:22

Сибэтиэйдэр бука бары (чуолаан император дыбарыаһыттан) эһигини эҕэрдэлииллэр.