20 Ол гынан баран Таҥара киниэхэ эппит: „Өйө суох! Субу түүн дууһаҕын ыла кэлиэхтэрэ, оччоҕо бу мунньубутуҥ кимиэхэ тиксэрий?“
кини Аман, хайдах курдук аатыран-сураҕыран, байан-тайан сылдьарын, элбэх уолаттардааҕын, ыраахтааҕы кинини улуутутан, атын үрдүк сололоохторуттан, чугас үлэһиттэриттэн өрө тутарын – кэпсээн барбыта.
Элбэх да дьиктини, Айыы Тойон Таҥарам, Эн оҥороҕун, элбэҕи да, биһиэхэ анаан, торумнуугун! Ким Эйиэхэ тэҥнэһиэҕэй! Төһө да ону иһитиннэрэ, кэпсии сатаабытым иһин, киһи барытын ситэн ааҕар кыаҕа суох.
Тыа кыыла барыта – Миэнэ, тыһыынчанан томторго мэччийэр сүөһү эмиэ – Миэнэ;
Холуубуҥ дууһатын торҕон кыылларга туттарыма; дьадаҥыларыҥ олохторун хаһан да умнума.
Албыннаан булуммут баайыҥ абырыа суоҕа, оттон көнө быһыыҥ өлөртөн өрүһүйүөҕэ.
Таҥара уордайар күнүгэр баайыҥ-дуолуҥ эйигин абырыа суоҕа, оттон көнө быһыыҥ өлөртөн өрүһүйүөҕэ.
Сорох байымсыйар да, турар бэйэтинэн эрэ, сорох кэриэлийэр да, үбэ-аһа дэлэй.
Сарсыҥҥы күҥҥүнэн киһиргэнимэ, сарсын эйигин туох күүтэрин эн билбэккин.
Бырыһыаҥҥа иэс биэрэн байааччы үбэ-аһа дьадаҥылары аһынар айыы санаалаахха тиксиэҕэ.
Ньүдьү-балайдар! Иһинээҕитин эмиэ тас өттүн Айбыт айбатаҕа буолуо дуо?
«Эйэ уонна куттал суох буолуута!» – дэһэр кэмнэригэр эмискэ, хат дьахтар талыыта киирэринии, өлөр өлүү кинилэри ситэн ылыаҕа, онтон хайдах да өрүһүнүөхтэрэ суоҕа.
Бу үйэҕэ байбыт-тайбыт дьону үрдүктүк сананымаҥ, эрэбилэ суох баайгытынан тумус туттумаҥ, үөрэ-көтө олорорбут туһугар, биһиэхэ барыны барытын өлгөмнүк биэрэр тыыннаах Таҥараҕа эрэниҥ диэн өйдөтө сырыт.
Бу орто дойдуга кэлэрбитигэр биһиги тугу даҕаны илдьэ кэлбэтэхпит, барарбытыгар даҕаны илдьэ барбаппыт чуолкай.
Эһигини бэл сарсын туох күүтэрин билбэккит буолбат дуо? Эһиги олоххут диэн тугуй? Быстах кэмҥэ тахса түһэн баран, уостан хаалар паар буолбатах дуо?