Лука 11:39 - Сибэтиэй Биибилийэ кинигэлэрэ

³⁹ Айыы Тойон киниэхэ эппитэ: «Бу эһиги, фарисейдар, иһиккит-хомуоскут таһын ыраастанаҕыт, оттон искит бүтүннүү ымсыы санаа, өһүөн буолбут.

Лука 11:39 ပူးပေါင်းရင်းမြစ်များ

Аман өһө 26:23

Абааһы көрөрүн кистэнэн амаҕаччылаан кэпсэтээччи көмүс дуйдаах туой боччук кэриэтэ.

Аман өһө 26:25

Төһө да тылын-өһүн минньиттин, кинини итэҕэйимэ – иһигэр сэттэ сидьиҥ санаалаах буолуоҕа.

Аман өһө 30:12

Кирдэрин-хохторун да сууммакка сылдьан, килбэгир ырааспыт дэнээччилэр эмиэ бааллар.

Матфей 15:19

Хара санаа, өлөрсүү, көссүүлэһии, содур быһыы, уоруу, сымыйанан туоһулааһын, Таҥараны холуннарыы – барыта киһи сүрэҕиттэн тахсар.

Матфей 7:15

Бараан тириитин бүрүнэн кэлэр торҕон бөрөлөртөн – сымыйа пророктартан – сэрэниҥ.

Лука 16:15

Иисус эппитэ: «Дьоҥҥо-сэргэҕэ кырдьыксыт дьон курдук көстүөххүтүн баҕараҕыт эрээри, Таҥара эһиги сүрэххитин билэр. Дьон тугу үрдүк диирин Таҥара мөкү диир.

Лука 7:13

Айыы Тойон огдообону көрөн аһынан: «Ытаама», – диэбитэ уонна

Лука 7:19

икки үөрэнээччитин ыҥыран ылан, «Кэлиэхтээх Эн буолаҕын дуу, эбэтэр атыны күүтэбит дуу?» диэн ыйыттара Иисуска ыыппыта.

Иоанн 12:6

Маны кини дьадаҥыларга кыһаллан буолбакка, уоруйах буолан эппитэ – харчы угар холбукаларын илдьэ сылдьан, онно угуллар харчыттан арыт бэйэтэ туттара.

Иоанн 13:2

Киэһээҥҥи аһылык кэмигэр, Симон уолун Иуда Искариокка Кинини таҥнарар санааны адьарай хайыы-үйэ иҥэрбитин кэннэ,

Апостоллар 5:3

Онуоха Петр эппитэ: «Анания! Эн, бу хайдах сатанаҕа бэринэн, Сибэтиэй Тыыҥҥа сымыйалыыгын, сириҥ атыытыттан сороҕун кистиигин?

Галатия христианнарыгар 1:14

Оччолорго мин өбүгэлэрбит үгэстэрин туохтааҕар да дьулуһан туран тутуһарым, иудей быһыытынан бэйэм аҕам ууһугар биир саастыылаахтарбыттан үгүстэриттэн чорбойорум.

2 Тимофейга 3:5

Кинилэр итэҕэл таһын эрэ тутуһуохтара, оттон ис күүһүн ылыныахтара суоҕа. Оннук дьонтон тэйэ тутун.

Титкэ 1:15

Ыраас дьон санаатыгар туох барыта ыраас, оттон буорту буолбут, итэҕэлэ суох дьоҥҥо, өйдөрө-суобастара кирдээх буолан, ыраас диэн туох да суох.

Иаков 4:8

Таҥараҕа чугаһааҥ, оччоҕо Таҥара эһиэхэ эмиэ чугаһыа. Аньыылаахтар, илиигитин ыраастаныҥ, халбаҥнааччылар, сүрэххитин көннөрүнүҥ.