Лука 10:42 - Сибэтиэй Биибилийэ кинигэлэрэ

⁴² дьиҥэр, биир эрэ суол наада эбээт. Мария саамай бастыҥын талан ылла, онтуката киниттэн былдьаныа суоҕа».

Лука 10:42 ပူးပေါင်းရင်းမြစ်များ

Саалтыр 27:4

Кинилэргэ тугу оҥорбуттарынан, хара дьайыыларынан биэр; хайдах быһыыламмыттарынан көрөн төлөө, ылыахтаахтарын толору биэр.

Иоанн 4:14

Оттон Мин биэрэр уубун иһэр киһи үйэ-саас тухары утатыа суоҕа. Мин биэрэр уум киниэхэ киирэн, бараммат олоххо сүүрүгүрэ устар дьүүктэ уута буолуоҕа».

Иоанн 5:24

Дьиҥ кырдьыгы эһиэхэ этэбин: Мин этэр тылбын истэр, Миигин Ыыппыты итэҕэйэр киһи бараммат олохтоох; кини өлөр өлүүттэн туораан бараммат олоххо киирбит буолан, дьүүлгэ турбат.

Лука 18:22

Маны истэн, Иисус эппитэ: «Эйиэхэ өссө биириҥ итэҕэс: туох бааргын барытын атыылаан дьадаҥыларга түҥэт, оччоҕо Халлааҥҥа баайдаах буолуоҥ; уонна кэлэн Миигин батыс».

Иоанн 17:3

Эйигин, соҕотох дьиҥнээх Таҥараны, уонна Эн ыыппыт Иисус Христоскун билии – бу баар бараммат олох.

Саалтыр 17:15

Онтон оҕунан ытыалаан, кинилэри ыспыта, чаҕылҕан бөҕөнөн дапсыырдаан, үрүө-тараа ыыппыта.

Марк 8:36

Киһи олоҕун алдьатан туран аан дойдуну баһылаабыта киниэхэ туох туһалаах буолуой?

Саалтыр 142:5

Былыргы күннэри мин өйдөөн кэлэбин; Эн дьайыыларгын анааран, биһиэхэ тугу оҥорбуккун барытын эргитэ саныыбын.

Лука 8:18

Онон хайдах истэргитин кэтэнэн көрүнүҥ: баардаахха Таҥара өссө биэриэҕэ, оттон туга да суох киһиттэн баардаахпын дии санаабыта кытта былдьаныаҕа».

Лука 12:20

Ол гынан баран Таҥара киниэхэ эппит: „Өйө суох! Субу түүн дууһаҕын ыла кэлиэхтэрэ, оччоҕо бу мунньубутуҥ кимиэхэ тиксэрий?“

1 Коринф христианнарыгар 13:3

Өскөтүн мин туох баар баайбын-дуолбун барытын дьадаҥыларга түҥэтэн, эппин-сииммин уокка уматтара биэрэн да бараммын сүрэхпэр таптала суох буоллахпына, ол дьайыым миэхэ туох да туһата суох.

Лука 12:33

Туох баайдааххытын атыылаан тиийиммэттэргэ түҥэтиҥ; хаалбат хааһаҕы, бараммат баайы уоруйах тиийбэт, үөн-көйүүр сиэбэт сиригэр – Халлааҥҥа – бэлэмнээҥ.

Лука 16:25

Онуоха Авраам эппит: „Тоойуом! Өйдөө: эн сирдээҕи олоххор үтүөнү көрбүтүҥ, оттон Лазарь муҥу көрбүтэ; аны билигин кини дуоһуйар, оттон эн муҥу көрөҕүн.

Галатия христианнарыгар 5:6

Биһиги Христос Иисуһу итэҕэйбит буоллахпытына, быһыллыбыппыт-быһыллыбатахпыт туох да суолтата суох, арай тапталынан дьайар итэҕэлбит эрэ суолталаах.

Лука 16:2

Дьиэлээх тойон кинини ыҥыран ылан эппит: „Эн тускунан бу тугу-тугу иһиттим? Баайбын хайдах көрбүккүн-харайбыккын отчуоттаа, аны мантан инньэ мин баайбын дьаһайар кыаҕыҥ суох буолбут“.

Лука 10:39

кини Мария диэн балта Айыы Тойон атаҕын аттыгар олорон, Иисус этэрин истибитэ.

Лука 11:1

Биирдэ маннык буолбута. Кини биир сиргэ тохтоон Таҥараҕа үҥпүтүн кэннэ, үөрэнээччилэриттэн биирдэстэрэ көрдөспүтэ: «Тойоммуот, Иоанн үөрэнээччилэрин үөрэппитин курдук, Эн эмиэ биһигини үҥэргэ үөрэт эрэ».

Иоанн 6:27

Эһиги курсуйар аска буолбакка, бараммат олоххо тиксэрэр аска кыһаллар буолуҥ. Оннук аһы эһиэхэ Киһи Уола биэриэҕэ: Аҕата Таҥара Кинини Бэйэтин бэчээтинэн бэлиэтээбитэ».

Иоанн 11:1

Вифанияҕа, Мария эдьиийиниин Марфалыын олорор дэриэбинэлэригэр, биир Лазарь диэн киһи ыалдьыбыта.

Иоанн 11:19

Марфалаах Марияҕа бырааттарын аһыытын үллэстэ элбэх иудей кэлэн олороро.

Иоанн 12:3

Мария ыраас нард үчүгэй сыттаах биир муунта күндү арыытынан Иисус атаҕын аҕаан баран, баттаҕынан соппута; дьиэ иһин бүтүннүү ол арыы сытынан сайбыта.