Лука 1:17 - Сибэтиэй Биибилийэ кинигэлэрэ

¹⁷ аҕалары оҕолорун кытта эйэлэһиннэрэн, бас бэриммэттэри кырдьык суолугар төнүннэрэн, норуоту Айыы Тойон кэлэригэр бэлэмнээри, Илия курдук тыыннанан-күүстэнэн Кини иннигэр баран иһиэҕэ».

Лука 1:17 ပူးပေါင်းရင်းမြစ်များ

Саалтыр 111:10

Нэгэй киһи, ону көрөн, таала кырыыланар; кини тииһин хабырынар уонна суола суох сүтэр; хара санаалаахтар баҕа санаалара туолуо суоҕа.

Саалтыр 78:8

Аҕаларбыт аньыыларыгар буруйдаабакка, биһигини амарахтык көрсөргө тиэтэй; муҥур уһукка биһиги түстүбүт эбээт.

Матфей 11:14

Онон билиэххитин баҕарар буоллаххытына, кэлиэхтээх Илия кини буолар.

Матфей 14:4

Кинини хаайыыга уктарбыт төрүөтэ – Иоанн киниэхэ: «Эн Иродиаданы ылыа суохтааххын», – диирэ этэ.

Матфей 3:3

«Кураайы куйаарга үөгүлээччи саҥата: „Айыы Тойон суолун солооҥ, көнө ыллыкта Киниэхэ үктээҥ“», – диэн Исайя пророк бу Иоанн туһунан өтө көрөн эппитэ.

Матфей 3:4

Иоанн тэбиэн түүтэ таҥастааҕа, өттүгэр тирии курдааҕа, буор аһыҥанан уонна дьиикэй мүөтүнэн аһылыктанара.

Лука 1:16

Израиль уолаттарын үгүстэрин Айыы Тойон Таҥараларыгар эргилиннэриэҕэ;

Лука 1:76

Оттон эн, кыһыл оҕо, Үрдүк Таҥара пророга диэн ааттаныаҥ: Айыы Тойон иннигэр бараҥҥын, Кини суолун солуоҥ,

Иоанн 1:13

Кинилэр хаантан, эттэн-сиинтэн, эр киһи баҕатыттан буолбакка, Таҥараттан төрөөбүттэрэ.

Иоанн 1:34

Мин ону көрбүт буолан, Таҥара Уола бу Кини диэн туоһулуубун!»

Иоанн 3:28

„Мин Христос буолбатахпын, Кини иннигэр ыытыллыбытым“ диэн эппиппин эһиги бэйэҕит бигэргэтэр кыахтааххыт.

Апостоллар 10:33

Мин сонно эйигин ыҥыртара ыыппытым. Дьэ онон кэлбитиҥ олус үчүгэй. Таҥара эйиэхэ тугу соруйбутун сиһилии истээри, билигин бу биһиги Кини иннигэр турабыт».

Рим христианнарыгар 9:23

Албан аатырарга бэлэмнээбит, амарахтык сыһыаннаспыт дьонугар Бэйэтин албан аата хайдахтаах муҥура суох улуутун көрдөрөөрү оннук гыммыт буоллаҕына, оччоҕо тугуй? Оттон Кини амарахтык сыһыаннаспыт дьоно биһиги буолабыт эбээт!

Колосс христианнарыгар 1:12

Биһигини сырдык эйгэтигэр баар сибэтиэйдэр аналларын үллэстэргэ ыҥырбыт Аҕаҕа махталгыт уостубатын.

2 Тимофейга 2:21

Ким ити этиллибит аньыыттан-хараттан ырааһырбыт, ол Хаһаайыҥҥа ананан, туһаҕа таһаарыллан, Кини ханнык баҕарар үтүө сорукка туттар мааны иһитин кэриэтэ буолар.

1 Петр 2:9

Оттон эһиги талыллыбыт аймах – Ыраахтааҕы дьиэтин кэргэнэ, Таҥара үлэһиттэрэ, сибэтиэй норуот, эһигини хараҥаттан килбиэннээх сырдыгар ыҥырбыт Таҥара үтүөкэн дьайыыларын биллэрэргэ талыллыбыт Кини Бэйэтин тус дьоно – буолаҕыт.

1 Иоанн 2:28

Онон, оҕолоор, Кини кэллэҕинэ куттаммат, саакка-суукка киирбэт туһугар, Кинилиин биир буолуҥ.

Арыллыы 20:4

Онтон мин бүрүстүөллэр туралларын көрбүтүм, ол бүрүстүөллэргэ олорооччуларга дьүүллүүр былаас бэриллибит этэ. Итиэннэ Иисуһу уонна Таҥара тылын туоһулаабыттарын иһин, моонньоох бастара быһыллыбыт дьон дууһаларын көрбүтүм. Бу кыылга да, кини мөссүөнүгэр да сүгүрүйбэтэх, сүүстэригэр да, илиилэригэр да кыыл бэлиэтин уурдарбатах дьон этилэр. Кинилэр олоххо төннөн кэлэн, тыһыынча сыл устата Христостуун ыраахтааҕылаабыттара;