Иона 3:8 - Сибэтиэй Биибилийэ кинигэлэрэ

⁸ Дьон барыта кутурҕан таҥаһын таҥнан, сүөһүтүн эмиэ оннук таҥаһынан бүрүйэн баран, туох баар күүһүн ууран туран Таҥараны ыҥырдын. Хас биирдии киһи аньыылаах суолу тутуһарын, күүһүнэн өттөйөрүн уураттын.

Иона 3:8 ပူးပေါင်းရင်းမြစ်များ

Иона 1:14

Дьэ онно кинилэр АЙЫЫ ТОЙОНУ ыҥыран ааттаспыттара: «АЙЫЫ ТОЙОН, Эн бука диэн биһигини бу киһи өлүүтүгэр буруйдаама! Ыраас киһи хаанын тохтугут диэн, биһигиттэн ирдээмэ! Эн АЙЫЫ ТОЙОҤҤУН эбээт, Бэйэлээх Бэйэҥ оҥорууҥ итинник эбит!»

Иона 1:6

Ол сыттаҕына киниэхэ муораһыттар тойонноро тиийэн кэлэн: «Бу эн туох буолан утуйа сытар киһигиний? – диэн көбүөлээбитэ. – Тур, Таҥараҕыттан көрдөс! Баҕар, Кини биһигини санаан, биһиги тыыннаах ордуохпут!»

Матфей 3:8

Аньыыгытын ис сүрэххититтэн билиммиккитин олоххутунан туоһулааҥ.

Апостоллар 26:20

Бастаан Дамаск уонна Иерусалим, онтон бүтүн Иудея олохтоохторун, кэлин атын омуктары аньыыларын билинэн Таҥараҕа эргиллэллэригэр уонна ол билиммиттэрин олохторунан туоһулууларыгар ыҥырбытым.

Апостоллар 3:19

Онон аньыыгыт-хараҕыт сотулларын туһугар, аньыыгытын билинэн, Таҥараҕа эргиллиҥ;

Арыллыы 11:3

Мин бар дьоҥҥо этэр тылбын тиэрдэр күүһү икки кэрэһит киһибэр биэриэҕим. Оччоҕо кинилэр кутурҕан таҥаһын таҥнан, Мин этэрбин тыһыынча икки сүүс алта уон күн устата иһитиннэриэхтэрэ».