Иоанн 8:32 - Сибэтиэй Биибилийэ кинигэлэрэ

³² Эһиги кырдьыгы билиэххит, оччоҕо кырдьык эһигини босхолуо».

Иоанн 8:32 ပူးပေါင်းရင်းမြစ်များ

Саалтыр 25:5

куһаҕан санаалаахтар сугулааннарын абааһы көрөбүн, нэгэйдэри кытта кэккэлэһэ олоруом суоҕа.

Аман өһө 1:23

Болҕойуҥ мин сэмэлиир саҥабын: билигин мин ис санаабын эһиэхэ биллэриэм, этэр тылбын иһитиннэриэм.

Аман өһө 1:29

Дьэ онон, эһиги билиини абааһы көрбүккүт, Айыы Тойоҥҥо бас бэриниэххитин баҕарбатаххыт,

Аман өһө 4:18

Оттон үтүө дьон суола-ииһэ сарсыардааҥҥы сарыал кэриэтэ, күн халлаан оройугар тэмтэйэ ойуор диэри улам сырдаан иһэр.

Матфей 11:29

Мин бурҕалдьыбын ылан кэтиҥ, өһүөмньүтэ суох, көрсүө буоларга Миигиттэн үөрэниҥ: Мин өһүөмньүтэ суохпун, сымнаҕас сүрэхтээхпин, онон эһиги дууһаҕытыгар уоскулаҥы булуоххут.

Иоанн 1:14

Тыл Киһи буолан Киниэхэ толору баар илгэлээх үтүөнэн, кырдьыгынан сыдьаайан, биһигини кытта олорбута, онон биһиги Кини кэрэмэн килбиэнин, Аҕа Төрөппүт соҕотох Уолун килбиэнин, көрбүппүт.

Иоанн 1:17

Сокуону Таҥара Моисейынан бэрдэрбитэ, оттон тапталы уонна кырдьыгы Иисус Христос аҕалбыта.

Иоанн 14:6

Иисус хоруйдаабыта: «Мин Суол, Кырдьык уонна Олох буолабын; Аҕабар Миигинэн эрэ кэлиэххэ сөп, атын суол суох.

Иоанн 16:13

Оттон Кини, кырдьык Тыына, кэллэҕинэ, эһигини бары кырдьыкка барытыгар үөрэтиэҕэ: Кини тугу этэрэ, ол Бэйэтин этиитэ буолуо суоҕа, Кини тугу истэрин эрэ этэн эһиэхэ кэнэҕэски кэми иһитиннэриэҕэ.

Иоанн 17:17

Эн кинилэри Бэйэҥ кырдьыгыҥ күүһүнэн сибэтии гын: Эн тылыҥ дьиҥ кырдьыктаах.

Иоанн 6:45

Пророктар кинигэлэригэр „Барыларын Таҥара үөрэтиэҕэ“ диэн суруллубута, онон Аҕам этэрин истэн үөрэммит киһи барыта Миэхэ кэлэр.

Иоанн 7:17

Кини көҥүлүн тутуһуон баҕарар киһи бу үөрэх Таҥараттан кэлбитин дуу, эбэтэр Мин Бэйэбиттэн үөрэтэрбин дуу билиэҕэ.

Иоанн 8:36

Онон эһиги, Уола босхолоотоҕуна эрэ, дьиҥнээхтик көҥүл буолуоххут.

Рим христианнарыгар 6:22

Оттон билигин, аньыыттан босхолонон Таҥараҕа кулут буолбуккут кэннэ, эһиги ситиһиигит – сибэтиэй буолуу, оттон олоххут түмүгэ – бараммат олох.

Рим христианнарыгар 8:15

Кутталга хат олорорго күһэйэр кулут тыынын эһиги ылымматаххыт эбээт, эһигини Таҥара уолаттара оҥорор Тыыны ылынан, Кини этитэн: «Авва, Аҕаа!» – диэн ыҥыраҕыт.

Рим христианнарыгар 8:2

Христос Иисуска баар олох Тыынын сокуона биһигини аньыы уонна өлүү сокуонуттан босхолообута.

1 Коринф христианнарыгар 7:22

Тоҕо диэтэххэ, Айыы Тойон ыҥырбыт кулута Айыы Тойон көҥүл киһитэ буола түһэр; ол тэҥэ көҥүл киһи эмиэ ыҥырылынна да, Христос кулута буолар.

Галатия христианнарыгар 5:1

Көҥүл дьон буоларбыт туһугар, Христос биһигини босхолообута; онон чиҥник үктэнэн туруоҕуҥ, кулуттааһын бурҕалдьытын хат кэтимиэҕиҥ.

Галатия христианнарыгар 5:13

Көҥүлгэ ыҥырыллыбыккыт эбээт эһиги, бырааттарыам! Көҥүл эбиппит диэн, аньыынан-харанан эккитин-хааҥҥытын көччүппэтэргит! Эһиги тапталынан бэйэ-бэйэҕитигэр көмөлөһүөхтээххит.

2 Тимофейга 3:7

оннук дьахталлар, мэлдьи үөрэнэллэр эрээри, хаһан даҕаны дьиҥ кырдьыгы билэр кыахтара суох.

Иаков 1:25

Оттон киһиэхэ көҥүлү биэрэр эҥкилэ суох сокуон ис дьиҥин сыныйан өйдүүр уонна ону толорор киһи умнуган истээччи буолбатах, кини истибит тылын толорор, онон тугу гынарыгар барытыгар алгыстаах буолуо.

Иаков 2:12

Эһиги тылгыт-өскүт, быһыыгыт-майгыгыт, тугу гынаргыт барыта көҥүл Сокуонунан дьүүллэниэхтээх дьон сиэринэн буолуохтаах.

1 Петр 2:16

онон көҥүл дьон быһыытынан олоруҥ, көҥүлү туһанан мөкү быһыыны кистэнэрдии буолбакка, Таҥара кулуттарыныы.

2 Иоанн 1:1

Мин эрэ буолбатах, дьиҥ кырдьыгы билбиттэр бука барыбыт, биһиги сүрэхпитигэр иҥэн сылдьар, үйэлэр тухары биһигинниин буолар кырдьык туһугар, дьиҥ тапталынан таптыыр хотуммутугар эйиэхэ, Таҥара талыылааҕар, уонна эн оҕолоргор – миигиттэн, кырдьаҕастан, эҕэрдэ.