Иоанн 5:14 - Сибэтиэй Биибилийэ кинигэлэрэ

¹⁴ Кэлин кинини, Таҥара Дьиэтигэр сылдьарын көрсөн Иисус: «Дьэ бу үтүөрэн чэгиэн буолан сылдьаҕын, – диэбитэ. – Аны аньыыны оҥорума – оҥордоххуна эйиэхэ итиннээҕэр куһаҕан буолуо».

Иоанн 5:14 ပူးပေါင်းရင်းမြစ်များ

Саалтыр 118:18

Харахпын ас, оччоҕо мин көрүөм Эн Сокуонуҥ сөҕүмэр дьиктилэрин.

Саалтыр 27:6

Алгыс буоллун Айыы Тойоҥҥо! Кини мин ааттаһар саҥабын иһиттэ.

Саалтыр 9:13

Кини, хаан тохтуутун иэстэһээччи, эрэйи көрбүттэри өйдүү-саныы сылдьар, кинилэр энэлгэннэрин умнубат.

Матфей 12:45

онон баран бэйэтинээҕэр өссө кырыктаах сэттэ атын тыыны аҕалан, кинилэри кытта бииргэ киирэн онно олохсуйар; дьэ оччоҕо ол киһи уруккутунааҕар өссө ордук иэдэйэр. Бу хара санаалаах көлүөнэҕэ эмиэ оннук буолуоҕа».

Марк 2:5

Иисус, кинилэр итэҕэллэрин көрөн, босхоҥ киһиэхэ: «Тоойуом! Аньыыҥ-хараҥ бырастыы буолар», – диэбитэ.

Иоанн 5:13

Иисус хайыы-үйэ хойуу дьон быыһынан киирэн баран хаалбыт буолан, киһи Кини кимин билбэтэх этэ.

Иоанн 5:5

Манна отут аҕыс сыл устата ыалдьыбыт киһи сытара.

Иоанн 8:11

«Ким даҕаны, Тойонуом», – дьахтар хоруйдаабыта. «Мин эмиэ эйигин дьүүллээбэппин, – диэбитэ Иисус. – Чэ, дьиэҕэр бар уонна аны аньыыны оҥорума».

1 Петр 4:3

Урут, олоххут ааспыт кэмигэр, Таҥараны билбэт омуктар курдук кирдээх олоххо, араас дьаллыкка, арыгыга ылларан – искит уйарынан аһаан-сиэн, эмэгэттэргэ сүгүрүйэн түктэри быһыылана сылдьыбыккыт да сөп буолуо.