Иоанн 19:20 - Сибэтиэй Биибилийэ кинигэлэрэ

²⁰ Иисус кириэскэ тиириллибит сирэ куораттан чугас буолан, бу еврей, грек, латыын тылынан суруллубут суругу иудей үксэ кэлэн аахпыта.

Иоанн 19:20 ပူးပေါင်းရင်းမြစ်များ

Лука 23:38

Кириэскэ Кини үрдүнэн: «Бу иудей Ыраахтааҕыта», – диэн гректии, латыынныы, еврейдии сурук турара.

Иоанн 19:13

Пилат маны истэн, Иисуһу таһырдьа таһаарбыта уонна бэйэтэ «Лифостротон» («Таас Муоста»), оттон еврей тылынан «Гаввафа» диэн ааттанар сиргэ турар дьүүллүүр кириэһилэтигэр олорбута.

Иоанн 19:42

Иудейдар субуотаҕа бэлэмнэнэр күннэрэ – бээтинсэ буолан, Иисуһу чугастыы ол хоруопка укпуттара.

Иоанн 5:2

Иерусалимҥа Барааннар Ааннарын чугаһыгар еврейдии Вифезда диэн ааттаах биэс колоннадалаах хаһыы көлүйэ баар.

Апостоллар 21:37

Кириэппэскэ киирэн иһэн, Павел тойоҥҥо эргиллэн: «Эйиэхэ аҕыйах тылы этиэхпин сөп дуо?» – диэн ыйыппыта. «Хайа эн гректии саҥарар эбиккин дуу? – анарааҥҥыта соһуйа түспүтэ. –

Апостоллар 21:40

Сэрии тойоно көҥүллээбитигэр Павел кирилиэскэ туран илиитин уунан, норуокка бэлиэ биэрбитэ. Уу чуумпу буолбутугар кини еврейдии тыл эппитэ:

Апостоллар 22:2

Павел еврейдии саҥарбытын истэн, өссө ордук чуумпурбуттара.

Апостоллар 26:14

Биһиги бары сиргэ охтон түспүппүт. Онтон мин еврей тылынан ыҥырар саҥаны истибитим. „Савл, Савл! Эн тоҕо Миигин сойуолаһаҕын? Үөрбэни утары барарыҥ кытаанах буолуо“, – диэбитэ ол саҥа.

Еврейдэргэ 13:12

Ол иһин Иисус эмиэ дьону Бэйэтин Хаанынан ыраастаары, куорат тас өттүгэр өлбүтэ.

Арыллыы 16:16

Кинилэр ыраахтааҕылары еврейдии Армагеддон диэн ааттаах сиргэ муспуттара.

Арыллыы 9:11

Бу буор аһыҥа түгэҕэ биллибэт аҥхай аанньала баһылыктааҕа; ол аанньал аата еврейдии – Аваддон, оттон гректии – Аполлион.