Иоанн 18:4 - Сибэтиэй Биибилийэ кинигэлэрэ

⁴ Иисус, Кинини туох күүтэрин билэ-билэ, утары тахсан: «Кими көрдүүгүт?» – диэн ыйыппыта.

Иоанн 18:4 ပူးပေါင်းရင်းမြစ်များ

Саалтыр 27:3

Киэр анньыма миигин нэгэйдэри, хара саҥнаахтары кытары; кинилэр ыалларын кытта эйэ-дэмнээхтик кэпсэтэллэр, оттон сүрэхтэригэр хатааннаах санааны кистэнэллэр.

Саалтыр 3:6

Айыы Тойоҥҥо көмүскэтэр буоламмын, мин холкутук сытан утуйан турабын.

Аман өһө 28:1

Куһаҕан киһи ким да эккирэппэтэҕин үрдүнэн куотар, оттон үтүө киһи, хахай курдук, киэҥ-холку.

Матфей 16:21

Бу кэмтэн ыла Иисус Иерусалимҥа барыахтааҕын, аҕа баһылыктартан, архиерейдартан уонна сокуонньуттартан элбэх эрэйи көрүөхтээҕин, онтон Кинини өлөрбүттэрин кэннэ үһүс күнүгэр тиллиэхтээҕин туһунан үөрэнээччилэригэр аһаҕастык кэпсиир буолбута.

Матфей 26:2

«Аны икки күнүнэн Паасха буоларын эһиги билэҕит. Онно Киһи Уолун тутаннар, кириэскэ тиирдэрэ биэриэхтэрэ».

Матфей 26:21

Аһылык кэмигэр Кини эппитэ: «Кырдьыгы эһиэхэ этэбин: эһигиттэн бииргит Миигин таҥнарыаҕа».

Матфей 26:31

Онтон Иисус кинилэргэ эппитэ: «Суруйууларга „Маныыһыты сууһардахпына, үөр бараан үрүө-тараа ыһыллыаҕа“ диэн этиллибитин курдук, бу түүн эһиги бука бары Миигиттэн тэйиэххит.

Лука 24:44

«Өссө эһигини кытта сылдьан Моисей Сокуонугар, Пророктарга, Саалтыырга Мин туспунан суруллубут туолуохтаах диэн эппитим бу туолла», – диэбитэ Иисус.

Иоанн 13:1

Паасха бырааһынньыгын иннинэ Иисус бу аан дойдуну хаалларан, Аҕатыгар барар кэмэ кэлбитин билэр буолан, бу дойдуга баар Бэйэтин дьонун тиһэҕэр диэри уостубат тапталынан таптыырын көрдөрбүтэ.

Иоанн 13:11

Иисус, ким таҥнарыахтааҕын билэр буолан, «бука бары ыраас буолбатаххыт» диэбитэ.

Иоанн 18:5

«Иисус Назорейы», – дэспиттэрэ кэлбит дьон. «Мин бу баарбын», – диэбитэ Иисус. Кинини таҥнарбыт Иуда эмиэ олору кытта турара.

Иоанн 18:7

Иисус иккиһин: «Кими көрдүүгүт?» – диэн ыйыппыта. «Иисус Назорейы», – диэбиттэрэ.

Иоанн 19:28

Бу кэнниттэн Иисус барыта хайыы-үйэ туолбутун билэр буолан, Суруйууларга этиллибит ситэрин туһугар: «Утаттым», – диэбитэ.

Иоанн 6:64

Ол да буоллар итэҕэйбэт дьон эһиэхэ эмиэ бааллар». (Ким итэҕэйбэтин, Кинини таҥнарыахтааҕын Иисус хара маҥнайгыттан билэр этэ.)

Апостоллар 2:28

Эн миэхэ олох суолун ыйбытыҥ, онон Бэйэҥ иннигэр туруоран сүрэхпин үөрүүнэн толоруоҥ“.

1 Петр 4:1

Онон, Христос биһиги туспутугар этинэн-хаанынан эрэйдэммитин курдук, эһиги эмиэ соннук санаанан сэбилэниэхтээххит. Этэ-хаана эрэйдэнэр киһи сиргэ олороро хаалбыт кэмин имэҥ кыдьыгар биэрбэккэ, Таҥара ыйарынан олоруохтаах, аньыыны оҥорорун тохтотуохтаах.