Иоанн 15:8 - Сибэтиэй Биибилийэ кинигэлэрэ

⁸ Эһиги элбэх аһы биэрдэххитинэ, Мин үөрэнээччилэрим буоллаххытына, Аҕам онон албан аатырыаҕа.

Иоанн 15:8 ပူးပေါင်းရင်းမြစ်များ

Матфей 5:16

Эһиги үтүөкэн дьайыыларгытын көрөн, Халлааннааҕы Аҕаҕыт аатын айхаллыылларын туһугар, эһиги сырдыккыт эмиэ бар дьон иннигэр сыдьаайыахтын.

Матфей 5:44

Оттон Мин эһиэхэ этэбин: өстөөхтөргүтүн таптааҥ, эһигини кырааччылары алҕааҥ, абааһы көрөөччүлэргэ үтүөнү оҥоруҥ, эһигини атаҕастааччылар, сойуолааччылар тустарыгар Таҥараҕа үҥүҥ,

Матфей 9:8

Норуот, маны көрөн сөҕөн, киһиэхэ маннык былааһы биэрбит Таҥараны айхаллаабыта.

Лука 6:35

Оттон эһиги өстөөхтөргүтүн таптааҥ, кинилэргэ үтүөнү оҥоруҥ, төттөрү ылыахпыт этэ диэн кэтэспэккэ эрэ иэс биэриҥ, оччоҕо улуу наҕараадаҕа тиксиэххит, Үрдүк Таҥара уолаттара буолуоххут. Ол эбэтэр Кини үтүөҕэ махтамматтарга, өһүөмньүлээхтэргэ да үтүө сыһыаннаах.

Иоанн 13:35

Бэйэҕит икки ардыгытыгар таптал баар буоллаҕына, оччоҕо эһиги Мин үөрэнээччилэрим буоларгытын бары билиэхтэрэ».

Иоанн 15:5

Мин умнаспын, оттон эһиги лабааларгыт. Миэхэ баар киһи, Мин эмиэ киниэхэ буоллахпына, элбэх аһы биэрэр. Эһиги Миигинэ суох тугу да гынар кыаххыт суох.

Иоанн 8:31

Оттон итэҕэйбит иудейдарга Кини эппитэ: «Мин тылбыттан тахсыбат буоллаххытына, эһиги дьиҥ чахчы Мин үөрэнээччилэрим буолаҕыт.

1 Коринф христианнарыгар 10:31

Онон, тугу да аһаабыккыт, тугу да испиккит иһин, ол барыта Таҥараны албан аатырдыах эрэ тустаах.

1 Коринф христианнарыгар 6:20

Эһиги ыарахан сыанаҕа атыылаһыллыбыккыт, онон эккитин-сииҥҥитин, дууһаҕытын – бүтүн бэйэҕитин Таҥара бас билэрин быһыытынан, эккитинэн да, дууһаҕытынан да Таҥараны албан аатырдар гына олоруҥ.

Филиппы христианнарыгар 1:11

Иисус Христос көмөтүнэн кырдьык өлгөм үүнүүтүн ылан, Таҥараны албан аатырдаргыт, айхаллатаргыт туһугар үҥэбин.

Титкэ 2:10

уорбатыннар, хата, ол оннугар Быыһааччы Таҥарабыт үөрэҕин өссө ордук кэрэһилиир туһугар, эргиччи эрэбил үтүөкэн дьон буоллуннар.

Титкэ 2:5

чөлү харанарга, олохтоох өйдөөх-санаалаах, дьиэҕэ-уокка кыһамньылаах, үтүө майгылаах буоларга, эрдэрин тылын истэргэ үөрэттиннэр; оччоҕо ким да Таҥара тылын баһааҕырдыа суоҕа.

1 Петр 2:12

Таҥараны итэҕэйбэт дьон ортолоругар үтүөкэн олоҕунан олоруҥ; оччоҕо, үтүөнү оҥороргутун көрдөхтөрүнэ, эһигини хара санаалаахтар диэн үөхпүттэрин да иһин, Таҥараны кэлэр Күнүгэр айхаллыахтара.

1 Петр 4:11

Ким тылын иһитиннэрэр, үөрэтэр дьоҕурдаах, ол Таҥара тылын иһитиннэрдин; ким сулууспалыыр, ол Таҥара биэрэр кыаҕынан сулууспалаатын. Барыта Иисус Христоһунан Таҥара албан аатырарын туһугар буолуохтаах. Киниэхэ үйэттэн үйэҕэ албан аат буолуохтун, Кини былааһа туругура туруохтун! Аминь.