Иоанн 15:7 - Сибэтиэй Биибилийэ кинигэлэрэ

⁷ Оттон Миэхэ буоллаххытына, Мин этэр тылбын сүрэххитигэр иҥэриннэххитинэ, эһиги тугу баҕараргытын көрдөһүҥ – ол барыта эһиэхэ бэриллиэҕэ.

Иоанн 15:7 ပူးပေါင်းရင်းမြစ်များ

Саалтыр 37:4

Эн уордайаҥҥын, эппэр өлүөр сирим орпото, аньыым-харам таарыйан, уҥуохтарым кыйытталлар.

Аман өһө 10:24

Куһаҕан киһини куттанар суола буулуоҕа, оттон үтүө киһи баҕата туолуоҕа.

Аман өһө 4:4

Аҕам миигин үөрэтэн этэр буолара: «Сүбэлээн этэрбин сүрэххэр-быаргар сөҥөрөн ис, кэриэс-хомуруос тылбынан олоххун оҥкуллан.

Матфей 7:7

Көрдөһүҥ, оччоҕо эһиэхэ бэриллиэҕэ; көрдөөҥ, оччоҕо булуоххут; тоҥсуйуҥ, оччоҕо эһиэхэ ааны аһыахтара.

Иоанн 14:13

Итиэннэ Мин ааппын ааттаан туран, Аҕабыттан тугу баҕарар көрдөстөххүтүнэ, Мин – Аҕа Уолунан албан аатырарын туһугар – эһиги көрдөспүккүтүн толоруом.

Иоанн 15:16

Миигин эһиги талбатаххыт – Мин Бэйэм эһигини талан ылбытым; баран туһаны аҕаларгыт, ол туһаҕыт үйэлэргэ барарын туһугар, итиэннэ Мин ааппын ааттаан туран Аҕабыттан тугу баҕарар көрдөстөххүтүнэ, Кини ону биэрэрин туһугар, Мин эһигини туруорбутум.

Иоанн 16:23

Ол күн Миигиттэн тугу да ыйыта барыаххыт суоҕа. Дьиҥ кырдьыгы эһиэхэ этэбин: Аҕабыттан Мин ааппар тугу баҕарар көрдөстөххүтүнэ, Кини ону биэриэҕэ.

Иоанн 8:31

Оттон итэҕэйбит иудейдарга Кини эппитэ: «Мин тылбыттан тахсыбат буоллаххытына, эһиги дьиҥ чахчы Мин үөрэнээччилэрим буолаҕыт.

Иоанн 8:37

Эһиги Авраам удьуордара буоларгытын Мин билэбин. Ол эрээри эһиги Мин этэр тылбын ылыммат буолаҥҥыт, Миигин өлөрөр сылтаҕы көрдүүгүт.

Галатия христианнарыгар 4:2

аҕата анаабыт болдьоҕо кэлиэр диэри, кинини көрөр-истэр дьоҥҥо, дьиэ көрөөччүлэргэ бас бэринэр.

Галатия христианнарыгар 5:16

Ол иһин эһиэхэ этэбин: Тыын ыйарынан олоруҥ, оччоҕо эһиги сатарыйбыт айылгыгыт аньыылаах баҕатын толоруоххут суоҕа.

Колосс христианнарыгар 3:16

Христос тыла бары муудараһы кытта бииргэ эһиги сүрэххитигэр өлгөмнүк олохсуйуохтун; псаломнары, айхал ырыаларын, духуобунай гимнэри Айыы Тойоҥҥо ис сүрэххититтэн махтанан туран ыллаан-туойан, бэйэ-бэйэҕитин үөрэтиһэр-өйдөтүһэр буолуҥ.

1 Иоанн 2:14

Аҕалар, мин эһиэхэ суруйдум: эһиги аан бастааҥҥыттан Баары билбиккит. Эдэрдэр, мин эһиэхэ суруйдум: эһиги күүстээххит, эһиги Таҥара тылын сүрэххитинэн ылынан, хара дьайдааҕы кыайбыккыт.

1 Иоанн 2:27

Оттон эһиги тускутунан этэр буоллахха, эһиэхэ Таҥара Тыына баар буолан, эһиги ким да үөрэтэригэр наадыйбаккыт – Тыын Бэйэтэ эһигини барыга-барытыгар үөрэтэр. Ол үөрэтэрэ барыта дьиҥ кырдьыктаах, ханнык да албына суох, онон, Кини тугу үөрэтэрий да, эһиги ону тутуһан олоруҥ.

1 Иоанн 3:22

уонна Кини кэриэстэрин тутуһар, сөбүлүүрүн оҥорор буоламмыт, тугу баҕарар көрдөһөн, Киниттэн ылабыт.

1 Иоанн 5:14

Ол иһин биһиги, Таҥара көҥүлүн хоту тугу да көрдөстөхпүтүнэ, Кини биһигини истэригэр бигэ эрэллээхпит.